რა არის ხელისუფლების ამოცანა სააკაშვილთან დაკავშირებით? – ” ამას სჭირდება კაცობა” – ხუხაშვილი

პოლიტოლოგი, გია ხუხაშვილი, “პალიტრანიუსთან” ამბობს:

“გრძელდება მანევრები სააკაშვილის სამოქალაქო კლინიკაში გადაყვანა-არგადაყვანასთან დაკავშირებით, მორიგი ბრიფინგი მიუძღვნა ამას კობახიძემ, აპელირებდა სააკაშვილის კაცობაზე და ღირსებაზე და მას კიდებდა პასუხუსხმგებლობას, რომ სხვა ადამიანებიც შიმშილობენ, ეს არის თემა, რომელიც კობახიძეს შეიძლება უკან შეუტრიალო, ხელისუფლებას უნდა ჰქონდეს იმდენი კაცობა, რომ ეს საკითხი არ გახადონ მთელი პროცესის ქვაკუთხედად, არ უნდა ეშინოდეთ ერთი ადამიანის გადაყვანა “ა” წერტილიდან “ბ” წერტილში. მით უმეტეს რომ კრიზისის განმუხტვაზე პასუხისმგებელი ხელისუფლებაა და არა მოქალაქე სააკაშვილი.

ოპოზიციის ქმედებებზეც ხელისუფალია პასუხისმგებელი და ამას სჭირდება კაცობა, მაგრამ ამის ნაცვლად მუდმივად ახდენენ შიშის დემონსტრირებას, რომ აი, სააკაშვილის კლინიკაში გადაყვანას უბედურება მოჰყვება. თუ არის შანსი, რომ ამ მარტივი ნაბიჯით ტემპერატურამ ცოტათი მაინც დაიწიოს, რატომაც არ უნდა გადადგას ეს ნაბიჯი? თუმცა, ყველას კარგად გვესმის, ხელისუფლების ამოცანაა სააკაშვილის მორალური დამცირება და სანამ ამას არ მოახერხებს, ის ეყოლება იქ, სადაც ჰყავს. ეს არის მათი ამოცანა, რამდენად შეასრულებენ, ეს მეორე საკითხია.”