“არ არის ადვილი მელიებისგან, ხაბეიშვილებისგან, უგულავებისგან – შეურაცხყოფის მოსმენა” – კობახიძე

„ქართული ოცნების“ თავმჯდომარემ, ირაკლი კობახიძემ ბრიფინგზე განაცხადა.

„შესაბამისად, მოვუწოდებთ ყველას, ყველაფერს დაარქვან თავისი სახელი, რაც რადიკალების უსუსურ მცდელობას, არიონ ქვეყანა, კიდევ უფრო სწრაფად დაუსვამს საბოლოო წერტილს. დღეს, როდესაც არჩევნები დასრულდა და 2024 წლამდე არავითარი არჩევნები აღარ იქნება, ქვეყანას ჭირდება დღის წესრიგის შეცვლა.

ისინი პერიოდულად ხელოვნურად ქმნიან გარკვეულ თემებსა და კლიშეებს და ცდილობენ, საზოგადოება ამ თემებისა და კლიშეების გავლენის ქვეშ აცხოვრონ. ამგვარი თემა და კლიშე თავის დროზე იყო „უნიათო ხელისუფლება“, რომელიც მხოლოდ მას შემდეგ მოხსნეს დღის წესრიგიდან, რაც „ქართულმა ოცნებამ“ წინა ხელისუფლებაზე სამჯერ მეტი გზა დააგო, სამჯერ მეტი გაზი გაიყვანა, სამჯერ მეტი ბაღი და სკოლა ააშენა, სამჯერ მეტ ადამიანს გაუწია ჯანდაცვის მომსახურება და ა.შ. “

კობახიძემ პოლიციელებს გასული ღამის განმავლობაში მუშაობისთვის მადლობა გადაუხადა და აღნიშნა, რომ „არ არის ადვილი სკამებს დახარბებული სამარცხვინო ავანტურისტებისგან – მელიებისგან, ხაბეიშვილებისგან, უგულავებისგან – შეურაცხყოფის მოსმენა“.