„ელენე ხოშტარიას შიმშილობის მოთხოვნის საფუძველი უკვე არ არსებობს. სააკაშვილის სასიცოცხლო პარამეტრები არის ნორმაში, რაც ტრაგიკომედიაა, მაგრამ ჩვენთვის არის პოზიტიური ინფორმაცია, სამწუხაროდ, რადიკალური ოპოზიციისთვის ეს აღმოჩნდა ნეგატიური ინფორმაცია. ის იღებს ისეთ დანამატებს, კვების ისეთ რაციონს, რომელიც არ ემუქრება მის ჯანმრთელობის მდგომარეობას, “ – ამბობს ქართული ოცნების დეპუტატი, გურამ მაჭარაშვილი. დროას ლიდერი, ელენე ხოშტარია სოლიდარობის ნიშნად უკვე მე-5 დღეა პარლამენტში შიმშილობს. ექსპრეზიდენტი მიხეილ სააკაშვილი დაკავების დღიდან, პირველი ოქტომბრიდან შიმშილობს, თუმცა, იუსტიციის მინისტრის მტკიცებით, პატიმარი ფაფებს და ნატურალურ წვენებს იღებს. ამის დასადასტურებლად, პენიტენციურმა სამსახურმა გამოაქვეყნა ვიდეოები, სადაც ჩანს, რომ მიხეილ სააკაშვილი სამედიცინო დახმარების ოთახში მინერალების შემცველ პიურეებს იღებს.
კომენტარები