“ღვთის წყალობით, ჩვენ დღეს აღვასრულეთ წირვა სალხინოს წმინდა მონასტერში, რომელიც გათავისუფლდა განდგომილებისგან და ეს უნდა იყოს ყველასთვის დიდი გაფრთხილება, რომ უფალი თავის ეკლესიას არავის არ მისცემს და არ ჩააბარებს თვითნებობისთვის და თავისი ინტერესების გატარებისთვის… ღმერთმა მოგვცა ძალა, რათა ავაზაკთა კრებულისგან გათავისუფლებულიყო წმინდა მონასტერი. დღეიდან უკვე აქ მსახურება აღესრულება ისე, როგორც შეეფერება ამ მონასტერს და ხვალიდან გაგრძელდება ჩვეულებრივი ცხოვრება, მონასტრული, როგორიც აქ უნდა იყოს…”, – ამბობს ჭყონდიდის მიტროპოლიტი, მეუფე სტეფანე სალხინოს მონასტერში ქადაგებისას, მისდამი დაპირისპირებულ მამებზე, რომლებსაც მონასტერი პოლიციის ძალის გამოყენებით დაატოვებინეს.
კომენტარები