სახალხო დამცველის მოადგილე გიორგი ბურჯანაძე “ტვ პირველთან” საუბრისას აცხადებს, რომ მიხეილ სააკაშვილი პენიტენციურის სამედიცინო განყოფილების ხელმძღვანელმა დაარწმუნა, რომ ჩვილი ბავშვის საკვები მიეღო.
ბურჯანაძე “ტვ პირველის” ეთერში ამბობს, რომ აღნიშნული ფაფა პენიტენციურ დაწესებულებაში არ იყიდება და მისი მიწოდება სააკაშვილისთვის მოხდა მედპერსონალის მხრიდან.
ამასთან, ბურჯანაძე სააკაშვილზე დაყრდნობით აცხადებს, რომ – “სპეციალური პენიტენციურისამსახურის სამედიცინო განყოფილების ხელმძღვანელი, თამთა დემურიშვილი პირადად შეხვდა მიხეილ სააკაშვილს და დაარწმუნა, რომ მიეღო ასეთი ტიპის დანამატები, რაც შიმშილობის დარღვევად არ ითვლებოდა”.
“ჩვენ ეს მონაცემები გადავამოწმეთ ადგილზე მყოფ სამედიცინო პერსონალთან და მათაც დაგვიდასტურეს, რომ ამ დანამატების მიღება ხდებოდა სამედიცინო მეთვალყურეობის ქვეშ, მათივე მოთხოვნით და მათ დანიშნულება გქონდა ერთადერთი, რომ სასიცოცხლო პარამეტრები შენარჩუნებულიყო. ჩვენ ჩანაწერებიც ვნახეთ და სადაც მითითებულია 30-50 მილიგრამი რასაც კვებითი ღირებულება არ აქვს” – აცხადებს ბურჯანაძე.
წყარო: gtmedia.ge
კომენტარები