„შექმნილია ორი მედიკამენტი, რომელიც ვაქცინაციასთან ერთად პანდემიის მართვაში რევოლუციას მოახდენს“ – თენგიზ ცერცვაძე

COVID19-ის სამკურნალოდ მსოფლიო ელოდება ორ უახლეს მედიკამენტს, რომელიც გამოიყენება აბების სახით, – ამის შესახებ თბილისის ინფექციური საავადმყოფოს გენერალურმა დირექტორმა, თენგიზ ცერცვაძემ „ქრონიკაში“ განაცხადა.

ცერცვაძის ინფორმაციით, არის ვარაუდი, რომ ამ მედიკამენტების კლინიკური გამოცდა თითქმის დასრულდა. „ეს მედიკამენტები, როგორც კი პაციენტს დაუსვამენ დიაგნოზს, თუ მაშინვე დაიწყებს მიღებას, ვისაც აქვს დამძიმების რისკები, ან ასაკობრივი, ან სხვადასხვა ქრონიკული დაავადებების სახით, 50%-დან 90%-მდე ამცირებს მათი დამძიმების, ჰოსპიტალიზაციისა და შესაბამისად სიკვდილობის რისკს“, – აღნიშნა ცერცვაძემ.

მისი თქმით, ვაქცინაციასთან ერთად, ეს ორი მედიკამენტი პრაქტიკულად რევოლუციას მოახდენს პანდემიის მართვაში.