„12 წლიდან ბავშვებში ვაქცინაციას დავიწყებთ, ეს უკვე გადაწყვეტილია“ – პაატა იმნაძე

„ბავშვებში 12 წლიდან ვაქცინაციას დავიწყებთ“, – ამის შესახებ დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ პაატა იმნაძემ, „რუსთავი 2“-ის ეთერში განაცხადა.

„ბავშვებში 12 წლიდან ვაქცინაციას დავიწყებთ, მათ შორის, მათი, ვისაც არ აქვს ქრონიკული დაავადებები. ექსპერტთა საბჭომ განიხილა და უკვე გადაწყვეტილია ეს საკითხი. ახლა ველოდებით, რომ შეიკრიბება იმუნიზაციის უწყებათაშორისი საბჭო, რომელიც საბოლოო გადაწყვეტილებას მიიღებს ამაზე. გადაწყვეტილების მიღება სულ დღეების ამბავია“, – განაცხადა დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ.