ყოფილი პარლამენტარი ლევან გოგიჩაიშვილი მიიჩნევს, რომ ქვეყანაში შექმნილი პოლიტიკური ვითარება საკმაოდ დაძაბულია და საფრთხეც რეალურია. ამის შესახებ გოგიჩაიშვილმა ტელეკომპანია „კავკასიის“ ეთერში, გადაცემაში „ბარიერი“ ისაუბრა.
„საფრთხე არსებობს, იმიტომ, რომ ესენი სამი და ოთხი ათასი ადამიანით ბედავდნენ ხოლმე პროვოკაციებს და ახლა ადამიანებს, რომლებსაც, თბილისის გარდა ყველა დიდ ქალაქში მოსახლეობის თითქმის ნახევარი მხარს უჭერს მდინარაძე შეაჩერებს? გულორდავა შეაჩერებს ამ პროცესებს?ან კობახიძე შეაჩერებს?“- სვამს კითხვას ლევენ გოგიჩაიშვილი.
ყოფილი პარლამენტარი ამბობს, რომ „ქართული ოცნება“ საზოგადოების „ნაციონალური მოძრაობისგან“ დაცვას მალე ვეღარ შეძლებს.
„რომ რომ გავწიოთ სააკაშვილის ფაქტორი და დავუშვათ რომ „ნაციონალური მოძრაობა“ არ არსებობს და არის „ქართული ოცნება“, რომელიც არის ასეთი – რეფორმების ჩავარდნა, წარუმატებლობა ყველა მიმართულებით, კორუფციის ეს მასშტაბი, სერიოზული პრობლემები განათლებაში საგარეო პოლიტიკაში, მუნიციპალურ დონეზე ტოტალური კორუფცია…
ამ პრობლემების დასაფარად ყოველთვის იყო დამოკიდებულება – „კარგი, ჩვენ ცუდი ვართ, მაგრამ იმათ ხომ ვჯობივართ?“ ახალა რომ აიღო პიროვნულ დონეზე კაციჭამია ახალაიას და მეგის ქარდავას ნებისმიერ ჯობია, რაც არ უნდა ბიუროკრატი და ბრიყვი იყოს, იმას( „ნაციონალურ მოძრაობას“)ცუდში ვერ დაეწევი. გომელაური მერაბიშვილს ჯობია, რა თქმა უნდა…
მაგრამ ასე ითამაშეს და როგორი პრობლემის წინაშე დადგნენ? თბილისში წაგებამდე ერთი ნაბიჯია… მე ვერ დავიწყებ პროგნოზების გაკეთებას, მაგრამ „ქართული ოცნების“ ამომრჩეველმა უნდა იცოდეს რომ “ოცნება” „ნაციონალური მოძრაობისაგან“ ამ ქვეყნის დამცველი აღარ არის. ამიტომ შემდგომ არჩევნებზე, ეს ვადამდელი იქნება თუ როგორი იქნება, ასეთი ნდობა „ქართული ოცნების“ მიმართ, ქვეყნის დანგრევას ნიშნავს,“- განაცხადა ლევან გოგიჩაიშვილმა.
კომენტარები