„რა სასაცილოები ხართ წალენჯიხის გამო,“- ასე მიმართავს ანალიტიკოსი ამირან სალუქვაძე წალენჯიხაში ახალი პროექტების განხორციელების ინიციატორებს.
„ამათ ჰგონიათ, წალენჯიხაში ფულს თუ ჩადებენ, ვინმეს ეწყინება. აქამდე ვინ გიშლიდათ?!
რისი ჩამდებები ხართ? ხაზარაძემ ერთი სათბური გააკეთა და ისიც აწარმოე საქართველოს და იაფი აგროკრედიტის დახმარებით.
მილიარდზე მეტი ტელევიზიებში კი დახარჯეთ, თქვენი მხარდაჭერილი ერთი ადამიანი არ გვინახავს. ახეული ბიზნესები და ქონება, ათასობით.
სხვისი აშენებული სასტუმროები, საკონცერტოები, დენდროპარკები, პარკები, რესტავრირებული მუზეუმები, თეატრები, გაშენებული ქართული ვაზის ჯიშები და უამრავი სხვა, არ ითვლება და ქილიკის საგანია.
წალენჯიხაში ბინის ყიდვა და ბიზნესის იურიდიული მისამართის შეცვლა თემად უნდა მოგვახვიონ თავზე,“- წერს ანალიტიკოსი და ბიზნესმენებს იმ დროს შეახსენებს, როცა ბიზნესის წარმოება ასე ადვილი სულაც არ იყო.
„რა გენაღვლებათ, დღეს თავისუფლად სუნთქავთ, მაგ ბიზნესების ასახევად კამერაში ან ფუქსებში, ვირთხებთან, არავინ ჩაგაგდებთ.
ყველგან რომ მოგეგოთ, რას იზამდით?
ეს ისე, სიბნელე რომ არ გეგონოთ. სიბნელეზე გამახსენდა, ღამ-ღამობით აქციები ახალი “ტრენდია?” – წერს ამირან სალუქვაძე.
შეგახსენებთ, წალენჯიხა ერთადერთი ოლქი იყო, რომელშიც თვითმმართველობის არჩევნების მეორე ტურში, ოპოზიციის კანდიდატმა გაიმარჯვა.
“ლელოს” ლიდერმა მამუკა ხაზარაძემ აქციაზე სიტყვის გამოსვლისას განაცხადა, რომ ის წალენჯიხაში გადავა საცხოვრებლად და გამარჯვებულ მერს ყველა საქმეში გვერდით დაუდგება.
მოგვიანებით, ხაზარაძის ინიციატივას „კოკა-კოლას“ მფლობელი თემურ ჭყონიაც შეუერთდა.
კომენტარები