“არც ნინო ჯანგირაშვილია დელაკრუას გოგონა ბარიკადებზე და არც რუსთავის მეთორმეტეა ბასტილია” – გია გაბრიჭიძე

„სააკაშვილი ძალიან აირია თავის “მოთხოვნებში,” – წერს სოციალურ ქსელში ჟურნალისტი გია გაბრიჭიძე.

ჟურნალისტი ამბობს, რომ სააკაშვილის გზავნილები ურთიერთგამომრიცხავია, ხოლო ექსპრეზიდენტის მომხრეთა განცხადებები რევოლუციის შესახებ – არარეალური.
„ერთ წუთში რომ რევოლუციას ითხოვს, მეორე წუთში რაღაც შერიგებას გვთავაზობს. 
არადა არავინ უსმენს. ზის მარტო თავისთვის და აფრქვევს იდეებს.

არც ნინო ჯანგირაშვილია დელაკრუას გოგონა ბარიკადებზე და არც რუსთავის მეთორმეტეა ბასტილია. 
არჩევნები ჩატარდა კარგად და 2024-მდე არ იქნება.
პრეზიდენტმა აგერ ახლა საბოლოო წერტილი დასვა – შეწყალება არ იქნება.
ეგაა და ეგ,“- წერს გია გაბრიჭიძე.

ცნობისათვის, საქართველოს პრეზიდენტმა, გუშინ გამართულ საგანგებო ბრიფინგზე, კიდევ ერთხელ აღნიშნა, რომ  არ აპირებს პატიმრობაში მყოფი ექსპრეზიდენტის  შეწყალებას.
“ჩემი პოზიცია საქართველოს ყოფილი პრეზიდენტის შეწყალებაზე, მყარი და უცვლელია. არა და არასოდეს,”- განაცხადა პრეზიდენტმა.