ჩვენ არ გვინდა წარსულის დაბრუნება, მაგრამ არც ის უნდა დავუშვათ,რომ მასობრივი საბოტაჟი მოხდეს. ფაქტობრივად საბოტაჟია, როდესაც შენს მომხრეებს მოუწოდებ და აკეთებინებ კანონდამრღვევ განცხადებებს, – ამის შესახებ ანალიტიკოსმა, ამირან სალუქვაძემ გადაცემაში „იმედი LIVE“ განაცხადა.
მისი თქმით, პატიმარი სააკაშვილი სოციალურ ქსელს მოწოდებებისთვის იყენებს.
„ნებისმიერმა მოქალაქემ უნდა იცოდეს, რომ მსგავსი სცენარში ჩართვა, [საუბარია მიხეილ სააკაშვილის ციხიდან გამოხსნაზე] თუნდაც მოწოდებების დონეზე, უკვე დანაშაულის შემცველია. როცა ამერიკაში ყოფილი პრეზიდენტი სოციალურ ქსელს მოწოდებებისთვის იყენებდა, ფაქტობრივად, კანონს არღვევდა და ეს რომ არ ყოფილიყო, მოხდა ასე ვთქვათ, მისი იზოლირება. ამასთან გვაქვს დღეს საქმე, პატიმარი სააკაშვილი სოციალურ ქსელს იყენებს მოწოდებებისთვის. რაც შეეხება მშვიდობიან რევოლუციებს, მშვიდობიანად ვერ აღიქმება ის, როდესაც სამოქალაქო პირებს მოუწოდებ, მოხდეს პრეზიდენტის დახსნას ობიექტიდან, რომელსაც შეიარაღებული ადამიანები იცავენ“, – განაცხადა ამირან სალუქვაძემ.
კომენტარები