ზაზა სარალიძის წერილი საქართველოს პატრიარქს:
“დაწყებული დასასრულის დასრულების დროც დადგა…
დიდხანს სიცოცხლე, ჯანმრთელობა და უფლის წყალობა არ მოკლებოდეს ჩვენს უწმინდეს და უნეტარეს სულიერ მამას. მადლობა უფალს, რომ თქვენ გვყავხართ..
მაპატიეთ თქვენო უწმინდესობავ, მაგრამ აქ გლეხი ადამიანის ფასი არ იციან და არც არასდროს ეცოდინებათ. წყლის ზედაპირზე გავლა და ტალახიანი წყლიდან სუფთად გამოსვლა მხოლოდ უფალს შეუძლია, ჩემი წყალი კი 2017 წლის 1 დეკემბერს აიმღვრა და ადიდდა. ყველანაირი მცდელობის მიუხედავად ეს წყალი არც ცხრება და არც იწმინდება, სამწუხაროდ უფრო და უფრო ემატება.
ვერსად ვერ ვნახე გლეხი ადამიანის დასაცავი მექანიზმიმი, იმიტომ რომ არ არსებობს.
ნებისმიერ იურისტს ვეკითხები, მანახეთ, ჯერმოკლული ადამიანის ღირსება რითია დაცული და შემდეგ, ამქვეყანაზე დარჩენილი მოკლული ადამიანის ოჯახი რითია დაცული, ან საერთოდ ვინ ვართ ჩვენ დღევანდელი კანონისთვის???!!!!
ა რ ა ვ ი ნ!!!!!!!!!
იმიტომ, რომ ჩვენ უკვე მოგვიკლეს და აღარ ვარ არავინ, ამას მეუბნება დღევანდელი კონსტიტუცია ჩემი გადმოსახედიდან.
თუ რამეში ვცდები, გთხოვთ, მიპასუხეთ!!!
თუ თქვენც იმ აზრზე ხართ, “მკვდარს ვერაფერს ვუშველით”???
გუშინდელმა ინციდენტმა კიდევ ერთხელ გაუსვა ხაზი დაზარალებულის ფეხებზე დაკიდებას….
არაერთ მთავრობის დეპუტატთან მქონდა შეხება პირდაპირ და არა პირდაპირ, და მადლობას ვუხდი ვინც დაიჯერა რომ პოლიტიკა არ მადარდებდა და სოლიდარობასაც გვიცხადებდა ოჯახს, მიხვდებიან თავად ვისაც ვგულისხმობ, თქვენი სიტყვები ამ ბრძოლაში ძალას მიმატებდა, მაგრამ როგორც ჩანს ვერც თქვენ და თავად ივანიშვილმა ვერ გააგებინეთ ამ უდღეურებს, რას ნიშნავს გლეხი და გლეხისთვის ოჯახი, მითუმეტეს განადგურებული ოჯახი!!!!
ბოლო თვრამეტი წელი წაშალეს ისტორიიდან საერთოდ არაფერი არაა გასახსენებელი, ზიზღის, ერთმანეთისდევნის, გლეხის განადგურების, ძმათა კვლის და ქვეყნის განადგურების მეტი!!!
წიფლის ხიდან მუხის ხემდე გზას გაუმარჯოს რაც მთავარია!!!
ღმერთო დიდებულო!
დალოცე და გააძლიერე საქართველო საქართველოში და საქართველო საქართველოს გარეთ!!!”
კომენტარები