„უამრავი რამ დაიწერა, რაღა უნდა მივამატო. გარდა ალბათ იმ ფაქტებზე დაფუძნებული ინტუიციური შეგრძნებისა, რომ ნაცების ბანაკში ბრძოლის მხოლოდ უკიდურესი, რადიკალური და “შაჰიდური” ტიპის ილეთებიღა დარჩა,“- წერს ანალიტიკოსი დავით ქართველიშვილი სოციალურ ქსელში.
„აქ – მე, თქვენ, საზოგადოება – გარკვეულწილად, “ტექნიკური” თვალსაზრისით, უძლურები ვართ. ამასთან გამკვლავების ინსტრუმენტები – ხელისუფლების ხელშია.
ჩვენ რაც შეგვეძლო, თუნდაც გუშინ გავაკეთეთ. დანარჩენი – შესაბამისი სახელმწიფო ინსტიტუტების გასაკეთებელია,“- წერს ქართველიშვილი და იმ საფრთხეებზე ამახვილებს ყურადღებას, რომელიც შესაძლოა სასოწარკვეთილი ოპონენტებისაგან იყოს მოსალოდნელი.
„მზად უნდა იყონ და ვიყოთ მოვლენათა ყველაზე უკიდურესი სცენარით განვითარებისაკენ. უნდა იქნას გათვალისწინებული ყველა, მათ შორის ფანტასტიკური და დაუჯერებელი “სექტანტური” ტაქტიკური სვლა, იმის მსგავსი – მე-19 საუკუნეში ციმბირის ტაიგაში ხლისტების მიერ კოლექტიურ თავის დაწვას რომ ჰქონდა ადგილი, ოღონდ არ ჩაბარებოდნენ მთავრობის წარმომადგენელთა ხელში.
გვარამიას მიერ გუშინდელი, 18 საათის მერე დაწერილი “კვლევის” შედეგები, სხვა არაფერია, თუ არა ამ დენთის კასრთან შეშის წინასწარი დალაგება იყო.
ამ წუთიდან განსაკუთრებული ყურადღება გმართებთ – ციხის და მხოლოდ და მხოლოდ, ციხის პირობებში, ბელადის ჯანმრთელობაზე. გააუქმეთ ან შეამცირეთ ეს გაუთავებელი პაემნები!
სექტანტურ-სუიციდურ თავგანწირვამდე აყვანილი მიშას ეგზალტირებული “მდედრიონი” ასევე მკაცრ კონტროლზე გაქვთ ასაყვანი. თუნდაც სახელმწიფო დაცვისა თუ პრევენციული თვალთვალის ქვეშ აიყვანეთ ნაცების რიგებში ყველა ის ცნობადი და საზოგადოებრივი თვალსაზრისით “მგრძნობიარე” ობიექტი, რომლის შესაძლო ლიკვიდაციით, ისინი შეეცდებიან იმ კასრის ირგვლივ გამზადებულ შეშაზე ცეცხლის მოკიდებას.
განსაკუთრებული ყურადღების ქვეშ არის ასაყვანი ამ დღეებში საზღვარგარეთიდან ჩამოსული კონტინგენტი, მათ რიგებში “მაიდანმეიქერებისა” და პროვოკატორების დროული გამოვლენის მიზნით. ასევე მათ მიერ თავის დროზე დატრენინგებული ადგილობრივი “მემაიდანეებ,“- წერს დავით ქართველიშვილი და განსაკუთრებულ ყურადღებას ორ საკითხზე ამახვილებს.
„ყველა დანარჩენ საყურადღებო მიმართულებას ვეღარ ჩამოვთვლი, ორის გარდა:
1) ნაცებს აღარაფერი რჩებათ დასაკარგი, სისხლის ზღვრის ჩათვლით, და ეს გარემოება არ დააკნინოთ და სრული სერიოზულობით მოეკიდეთ მას.
2) თუ თქვენს რიგებში – სუს-ი, შსს, თავდაცვა, იუსტიცია – ეჭვი გეპარებათ შიგნიდან ვითარების სავარაუდო ამფეთქებლებში, სასწრაფოდ მოახდინეთ მათი თუნდაც დროებითი განეიტრალება. თუ დრო გვანახებს, რომ ვცდებოდით – მათ შემდგომ რეაბილიტირებას წინ არაფერი დაუდგება,“- წერს დავით ქართველიშვილი.
კომენტარები