საქართველოს პრემიერ-მინისტრმა, ირაკლი ღარიბაშვილმა თავისუფლების მოედანზე შეკრებილ „ქართული ოცნების“ მხარდამჭერებს:
„პირველ რიგში მინდა, გულწრფელი მადლობით დავიწყო გამოსვლა. დიდი მადლობა ერთგულებისთვის, ნდობისთვის, თავდადებისთვის, ბრძოლისთვის, მადლობა დღეს აქ მობრძანებისთვის. მადლობა ყველას. დღეს აქ, თავისუფლების მოედანზე შევიკრიბეთ თავისუფლებისთვის მებრძოლი ადამიანები, ადამიანები, რომლებმაც 2012 წელს სწორედ აქ, ამ ადგილზე ვაჩვენეთ ქართველი ხალხის ძალა და სიბრძნე, ქართველი ხალხის მტკიცე სურვილი, იცხოვრონ თავისუფალ, სამართლიან, დემოკრატიულ,მშვიდობიან და ძლიერ სახელმწიფოში. სახელმწიფოში, სადაც დაცულია ადამიანის ფუნდამენტური უფლებები, ადამიანის ღირსება და თავისუფლება, სადაც ადამიანი და მისი სიცოცხლე უმთავრესი ღირებულებაა.
2012 წელს ჩვენი პარტიის დამფუძნებლის, ბიძინა ივანიშვილის ლიდერობით, ამ ქვეყნის რიგითმა ჯარისკაცებმა მშვიდობიანი აქციით განვაიარაღეთ ავტორიტარული, ხალხის მჩაგვრელი რეჟიმი და ხელისუფლებას ჩამოვაშორეთ მკვლელების, ჯალათებისა და მოღალატეების პარტია. ანტისახელმწიფოებრივი, ანტიეროვნული და ანტიეკლესიური ძალა, ჩვენ დავაფუძნეთ ის ღირებულებები და ფასეულობები, რომლითაც მთელი ქვეყანა დღემდე იმართება. ჩვენ ვართ ხელისუფლება, რომელმაც დამოუკიდებელი საქართველოს ისტორიაში ყველაზე ხანგრძლივად შეძლო მშვიდობისა და სტაბილურობის უზრუნველყოფა. ჩვენ საფუძველი ჩავუყარეთ ფუნდამენტურ რეფორმებს, განათლების, ინფრასტრუქტურის, სოფლის მეურნეობისა და ეკონომიკის მიმართულებით. პროგრესი და წინსვლა ხელშესახებია ყველა სფეროში, საშინაო თუ საგარეო ფლანგზე, ყველა მიმართულებით“
დავასრულოთ დაპირისპირება და გავერთიანდეთ – წამოაყენა წინადადება აქციაზე პრემიერმა, ყველამ კარგად ვიცით, ვისთან არის ის დაპირისპირებული, რას გულისხმობს და გულისხმობს, თუ არა ის, “ენმ”-თან გაერთიანებას? – ეს ალბათ ახლა ის კითხვაა, რომელიც “ოცნების” ყველა ამომრჩეველს აქვს ახლა.
გაერთიანების წინადადებამდე, პრემიერმა ოპონენტებს მოღალატეები და სისხლიანები ისევ ეძახა. რასთან და ვისთან ერთიანდება “ოცნება”?
კომენტარები