დაავადებათა კონტროლის ცენტრის ხელმძღვანელი, ამირან გამყრელიძე ამბობს, რომ საქართველოში დღეს კორონავირუსის შემთხვევა არ დაფიქსირებულა.
„საქართველოში დღევანდელი 3 საათის მონაცემებით, სულ 466 შესაძლო შემთხვევა გვქონდა და აქედან ყველა დატესტილია, ზოგი ორჯერ კიდეც. სულ საქართველოში კორონავირუსის 15 შემთხვევაა დაფიქსირებული“, – აცხადებს ამირან გამყრელიძე.
„არ უნდა მოვადუნოთ ყურადღება გრიპთან მიმართებაში. არ შეგეშინდეთ, მაგრამ სიფხიზლე აუცილებელია, გვაქვს ოდნავ ზრდა მიმართვიანობის გრიპის და გრიპის მსგავსი დაავადებების ქვეყანაში 100 ათას მოსახლეზე გადათვლით და ასევე მძიმე მწვავე რესპირაციული ინფექციებით ჰოსპიტალიზაციის მაჩვენებლები კლინიკებში. რა თქმა უნდა, ეს არის 2-4%-ის ფარგლებში, მაგრამ ეს მაინც საყურადღებოა. უნდა ვიყოთ ფრთხილად, რომ ჩვენ მეორე ძლიერი ტალღა გრიპის არ მივიღოთ ქვეყანაში. ამიტომ ყველა ის რეკომენდაცია, რომელსაც ჩვენ კორონაზე ვიძლევით ახლა ვრცელდება იგივე გრიპზე – დიდი თავშეყრის ადგილების თავის არიდება, პირბადეების მიფარება თუ ეს საჭიროა, შესაბამისი დამცავი საშუალებების ხმარება, ხელების ხშირი დაბანა“
წყარო – პრაიმტაიმი
კომენტარები