“ბანდიტი, მძარცველი, კრიმინალი, ზონდერი, ადამიანებს ქონებას ართმევდა” – ვისთან დასჭირდა მეორე ტური “ოცნებას”

პრემიერმინისტრი ირაკლი ღარიბაშვილი ფორმაშია და წინასაარჩევნო კამპანიას ჩვეულებისამებრ წარმართავს, იგი ნაკლებ საუბრობს საკუთარ კანდიდატს და ბევრს ოპონენტზე. იგი რუსთავის მერობის ენმ-ის კანდიდატს, დავით კირკიტაძეს ბრალდებებს უყენებს და ამბობს:

“ყველასთვის ცნობილი მძარცველი და ბანდიტი, კრიმინალი კირკიტაძე, რომელიც იყო გასამართლებული. ყველამ იცის ამ ქალაქში, ვინ არის კირკიტაძე. კაცი, რომელიც გამოირჩეოდა ადამიანების ქონებების წართმევით, ძალადობით და ჩვეულებრივი ზონდერობით.”

ვის შესჩივის პრემიერი კირკიტაძის შესახებ, ხალხს, გომელაურს, თუ საკუთარ თავს, უცნობია, ფაქტი ერთია, 9 წლიანი მმართველობის მერე, მის გუნდს მეორე ტური აქვს ადამიანთან, რომელიც, როგორც თავად ამბობს “ბანდიტია, მძარცველი, კრიმინალი და ზონდერი”.