თბილისის მერიის ცნობით, მგზავრებს ავტობუსებისა და მიკროავტობუსების ახალი მარშრუტები მოემსახურება.
N319 ავტობუსი ივლის მეტროსადგურ ვარკეთილიდან ვაზისუბნის დასახლების გავლით, მახათას მთის, ხუდადოვის ქუჩისა და სადგურის მოედნის მიმართულებით. უკუმიმართულებით კი, სადგურის მოედნიდან მეტროსადგურ ვარკეთილამდე იმოძრავებს.
ახალი მიკროავტობუსი – N415 გადაადგილდება ევხიტი ჟვანიას ქ. N25-ს მიმდებარე ტერიტორიიდან, ქიზიყის, ე. ბაღდავაძის, კახეთის გზატკეცილისა და ჯავახეთის ქუჩების გავლით, მეტროსადგურ ვარკეთილისკენ.
ახალი მიკროავტობუსის წრიული მარშრუტი – N430 მოემსახურება სოფელ დიღომში, ვაჟა-ფშაველას, კვირაცხოვლის, ასევე, მოციქულთა სწორი ნინოს, გ. ბრწყინვალესა და პ. სარაჯიშვილის ქუჩების მცხოვრებლებს;
ახალი მიკროავტობუსი – N434 მოემსახურება ნიაბის I შესახვევის, საინგილოს ქუჩის მოსახლეობას და დაუკავშირდება მეტროსადგურ ავლაბარს.
N438 მიკროავტობუსი სადგურ ველს აფრიკის დასახლებასთან დააკავშირებს;
მიკროავტობუსი N449 წრიულად, ი. ჭავჭავაძის გამზირის N83-დან ვაკის პარკამდე იმოძრავებს.
ახალი მიკროავტობუსი ინიშნება N450 მარშრუტზეც. კერძოდ, მიკროავტობუსი ი. მაჩაბლის, ი. უჩანეიშვილის, წყნეთის გზატკეცილის, მ. თამარაშვილის, მ. დოლიძის ქუჩებისა და ი. ჭავჭავაძის გამზირის გავლით, ვაკის პარკამდე გადაადგილდება;
N481 მიკროავტობუსი იმოძრავებს კიკეთიდან წყნეთის მიმართულებით, მაია წყნეთელის ძეგლამდე და გაივლის 9 ძმა ხერხეულიძის, ექვთიმე თაყაიშვილის ქუჩებს, ასევე, ვალიკო ჯუღელის გზატკეცილს და დაუკავშირდება შოთა რუსთაველის ქუჩას;
მიკროავტობუსი – N484 იმოძრავებს წყნეთში, არსენას და დ. ამილახვრის ქუჩებზე მაია წყნეთელის ძეგლის გავლით;
N485 მიკროავტობუსი იმოძრავებს წყნეთში, დ. აღმაშენებლის, დ. ამილახვრისა და საირმის ქუჩებზე.
N487 მიკროავტობუსისმარშრუტი წრიული იქნება და იმოძრავებს წყნეთში, ი. გრიშაშვილის, დ. აღმაშენებლის, მ. კოსტავას, მ. ჯავახიშვილის, ქ. წამებულის I შესახვევის და ქ. ჩოლოყაშვილის ქუჩების გავლით;
მიკროავტობუსი N478 მოემსახურება გუჯარეთის I ქუჩის მცხოვრებლებს და მელაანის I შესახვევის გავლით, ჯორჯ ბუშის ქუჩას დაუკავშირდება.
გარდა ამისა, 28 ოქტომბრიდან იმოძრავებს N330 ავტობუსი, რომელიც სადგურ ველის ტერიტორიიდან ბ. ჭიჭინაძის, გუმათჰესის, ლ. რაზიკაშვილის და გ. ლორთქიფანიძის ქუჩებზე ივლის და მოძრაობას მეტროსადგურ ისანთანდაასრულებს. უკუმიმართულებით, ავტობუსი გადაადგილდება მეტროსადგურ ისნიდან ცაცა ამირეჯიბის ქუჩისა და ამავე ქუჩის III შესახვევის გადაკვეთამდე.
ამასთანავე, 28 ოქტომბრიდან N102 ავტობუსის მარშრუტზე ISUZU-ს მარკის ავტობუსები იმოძრავებენ, ხოლო N32 მარშრუტზე მოძრავი MAN-ის მარკის ოთხი ერთეული ავტობუსი ჩანაცვლდება BMC-ის მარკის ხუთი ერთეული ავტობუსით. ასევე, N54 მარშრუტს დაემატება სამი, ხოლო N15 მარშრუტს დაემატება MAN-ის მარკის ერთი ავტობუსი. გარდა ამისა, N403 მარშრუტზე დამატებით, სამი ერთეული მიკროავტობუსი იმოძრავებს.
კომენტარები