“ოცნებაში” ბევრი ვერ აფასებს სწორად სიტუაციას და არ არის ღირსი, რომ ემბლემა ატაროს”

საპარტნიორო ფონდის აღმასრულებელმა დირექტორმა, დავით საგანელიძემ მის მიერ თანამდებობის დატოვების შესახებ გავრცელებული ინფორმაცია უარყო.

როგორც მან ჟურნალისტებს განუცხადა, „შეიძლება ეს ძალიან ბევრს უნდა და ერთი სული აქვს, მაგრამ აბსოლუტურად არ განიხილება არც ერთ ინსტანციაში“. შეკითხვას, არიან თუ არა იმ ადამიანებს შორის “ქართული ოცნების“” წარმომადგენლები, ვისაც მისი თანამდებობიდან წასვლა უნდა, საგანელიძემ ასე უპასუხა:

“რატომ გგონიათ რომ „ქართულ ოცნებაში“ ყველას გულზე ვეხატები?! მიმაჩნია, რომ” ქართულ ოცნებაში” არის ბევრი ისეთი ადამიანი, რომელიც დღეს ვერ აფასებს სწორად სიტუაციას და ნამდვილად არ არის იმის ღირსი, რომ „ქართული ოცნების“ ემბლემა გულზე ატაროს. მე არავის ვგულისხმობ სახელებით და გვარებით. ამიტომ სჭირდება „ქართულ ოცნებას“ გადახალისება. როცა ახალი საპარლამენტო სია იქნება, ახალი მაჟორიტარები იქნებიან, ღმერთმა დაიფაროს, რომ იგივე სია იყოს და იგივე მაჟორიტარები. ადამიანები იმით განვსხვავდებით ცხოველებისგან, რომ ჩვენ ვიზრდებით, ყალიბდება ჩვენი ინტელექტი, გვეცვლება შეხედულებები რაღაცებზე და შესაბამისად, დღეს ვიღაც ისე არ აფასებს მოვლენებს და ასეც მოხდა ხომ, “ქართული ოცნება” დატოვა ზოგმა და გავიდა“,