“ღირსება, კაცობა ხომ უნდა ჰქონდეს? როგორი სადისტები არიან იცით? ფუნთუშებზე გაზრდილ ღლაპებს არც ესმით კაცობა რა არის” – ხუხაშვილი

პოლიტოლოგი, გია ხუხაშვილი, “მთავართან” ამბობს:

“ღარიბაშვილი კი არ ებრძოდა სააკაშვილის რეჟიმს, მე და ჩვენნაირები ვებრძოდით, ღარიბაშვილი კი იყო ტკბილად და ეს კაცი გამიხდა ახლა რეჟიმთან მთავარი მებრძოლი. ღირსება ხომ უნდა ჰქონდეს, რაღაცა კაცობა ხომ უნდა ჰქონდეს? კი, ადამიანი მიუღებელია, მაგრამ პატიმარია, მოშიმშილეა, აფერისტს რომ ეძახი ღმერთმა არ ჰქნას რაღაცა მოუვიდეს… ხომ ფაქტია, რომ ნამდვილად შიმშილობს? რატომ დავასკვენი, რომ ნამდვილად შიმშილობს, სააკაშვილი რომ არ შიმშილობდეს, ხომ ეგრევე გამოაჭენებდნენ ტელევიზორში? ამდენი ხანია ადამიანი შიმშილობს, სულ რომ შენი მტერი იყოს, კაცობა ხომ უნდა გქონდეს? სადისტები… როგორი სადისტები არიან იცით? ფუნთუშებზე გაზრდილი ღლაპები ქვეყანას მართავენ და არც ესმით კაცობა რა არის, ღირსება რა არის, როგორებიც არიან, ისე მეტყველებენ.

შეეცადა კალაძე პირველ ტურში პოზიტიური ელემენტები შეეტანა, გაზომეს მერე და ნახეს, რომ ამ პოზიტიურმა შედეგი მისცა ნოლი – იმიტომ, რომ არავის სჯერა ამათი პოზიტიური დღის წესრიგის, უთხრეს ახლა, დაავალეს, გამოდი ახლა და ცოფები ყარეო, ესეც გამოვიდა გუშინ და ცოფების ყრა დაიწყო. ტრაგი-კომიკურია ეს ყველაფერი.”