“მეკითხებიან, გეგმა როგორია? მეკითხებიან, რას ვაკეთებდით დღეს აქ? მინდა ეს გზავნილი წაიღოთ ოჯახებში…” – ნიკა მელია

“ენმ”-ის თავმჯდომარე, ნიკა მელია:

“დღეს უცხოელმა ჟურნალისტმა მკითხა, რას უკავშირებთ ამ რაოდენობის ხალხის გამოსვლას ქუჩაშიო… ბევრი ქართველი მიხვდა, რომ ხელიდან გვეცლება ამ ქვეყნის თავისუფლება. რეალურად, ეს საფრთხე აქვს დღეს ქართველს, ოლიგარქმა ამ საფრთხის წინაშე დაგვაყენა. დღემდე საუბრობდა არც თუ ისე ცოტა ადამიანი, გამოვა, რამდენი გამოვა? იმაზე ბევრი ვართ, ვიდრე ყველას წარმოედგინა. ისტორიულად ქართველ ერს ახასიათებს ეს, გარდამტეხ მომენტში ჩვენ შეგვიძლია ერთიანობა.

მეკითხებიან, რა საღამოს იყო დღეს აქ, რას ვაკეთებდით? – პოლიტიკური გამარჯვება შეუძლებელია, თუ მანამდე მორალურად არ გაიმარჯვე. მენდეთ, მერწმუნეთ, მთელმა მსოფლიომ დაინახა, რას ნიშნავს მისი უდიდებულესობა ხალხი – დღეს ჩვენ მორალურად გავიმარჯვეთ.

მეკითხებიან, გეგმა როგორია? – გეგმა არის ერთადერთი – გეგმა არის გამარჯვება, გამარჯვება და არაფერი მეტი სხვა. 30 ოქტომბრამდე უნდა გადანაწილდეთ საარჩევნო უბნებზე დამკვირვებლებად – იქ უნდა აღმართოთ მშვიდობიანი კედლები, გამადიდებელი შუშით შევხედავთ ივანიშვილის წარმომადგენლებს. თუ რამე მინდა გაიგოთ, თუ რამე მინდა წაიღოთ თქვენ ძვირფას ოჯახებში, არის შემდეგი – 30 ოქტომბერს ყველაფერი უნდა გავაკეთოთ, რომ წინააღმდეგობის გაწევის უნარიც არ ჰქონდეს ბიძინა ივანიშვილს.

სააკაშვილის თხოვნა იყო, არ გვინდა მწუხრი, სიმღერაც იყოს, დროშაც ფრიალებდეს, ღიმილიც იყოს, რადგან ჩვენ გამარჯვება გველოდება.

დღეს ჩვენ ვხედავთ შეშინებულ ხელისუფლებას, საკუთარი დეპუტატები გამოიყვანეს დღეს და ფიზიკური შეურაცხყოფის მცდელობები ჰქონდათ თქვენზე, მადლობა, რომ მშვიდობიანად უპასეხეთ. ეს არის ძალა, რომელიც გაგვამარჯვებინებს.

დღეს მავანი ელოდა, რომ აურაცხელი ადამიანების შეკრების შემდეგ, აგრესიული ნაბიჯები გადაიდგმებოდა. რამდენიმე პოლიტიკოსმა თქვა, ჩვენ არ მივალთ იქ, სადაც არ ვიცით, როგორ გადაწყდა და შორიდან დავაკვირდებიდთო და რატომ გქონდათ მოლოდინი, რო ჩვენი თვითმიზანი ძალადობაა. ჩვენი თვითმიზანი იქნება საკუთარი ხმების დაცვა. 30 ოქტომბერს ან ივანიშვილი შეეგუება რომ მარცხდება, ან ბრძოლა იქნება ბოლომდე, გპირდებით.”