“გაჭირვებაში არ დავტოვებთ, ჩვენი სვლა, შეიძლება, მხოლოდ ექსტრადაცია არ იყოს” – კულუბა

უკრაინა საკუთარ მოქალაქეს გაჭირვებაში არ დატოვებს – ამის შესახებ უკრაინის საგარეო საქმეთა მინისტრი, დიმიტრი კულება სააკაშვილის პატიმრობასთან დაკავშირებით გავრცელებულ მორიგ განცხადებაში საუბრობს. 

უკვე შედგა მასთან რამდენიმე საუბარი, რომლებშიც ცხადად გავიგეთ მისი და მისი ადვოკატების პოზიცია. კიდევ ერთხელ გავუსვამ ხაზს, რომ სააკაშვილი უკრაინის მოქალაქეა და ჩვენ ჩვენს მოქალაქეებს საზღვრებს გარეთ გაჭირვებაში არ ვტოვებთ. ამიტომაც, შეგატყობინებთ, როდესაც მივიღებთ გადაწყვეტილებას თუ რა გზით გავაგრძელებთ სვლას და ეს შეიძლება, მხოლოდ ექსტრადაცია არ იყოს – განაცხადა დიმიტრი კულებამ.

უკრაინის საგარეო საქმეთა მინისტრის განმარტებით, ისინი სააკაშვილის საქმის იურიდიულ მხარეს სწავლობენ და მიდგომას არჩევენ.