“სანამ მაქედან არ გამოგიყვან, მე სხვა საქმე არ მაქვს, მძულს ის აზრი, რომ შენ ბიძინას ციხეში ზიხარ” – უგულავა სააკაშვილს

“ენმ”-ის წევრი, ეკა ხერხეულიძე, სოციალურ ქსელში გიგი უგულავას მიხეილ სააკაშვილისადმი ციხეში გაგზავნილ წერილს აქვეყნებს და წერს:

“ჩემთვის იმდენდ ემოციური იყო Gigi Ugulava ს წერილი მიშასადმი, სურვილი გამიჩნდა თქვენთვის გამეზიარებინა.ამის უფლება კი თავს მივეცი იმ მიზეზით, რომ თავად ვუყურებდი მიშას თბილ ემოციას ამ წერილის კითხვისას

მიშა, ვიცი, რომ მაგრად და ჯანზე იქნები, ზედმეტს არ მოგწერ. არც შიმშილობის შეწყვეტას გთხოვ, უკეთ იცი შენ. ერთი მინდა გითხრა, რომ ამდენი ხნის თავზე თუ რამე გამაკვირვებდა და აღმაფრთოვანებდა, ეს შენი დაბრუნება იყო. ისტორიული მასშტაბის აქტი მოხიე თან მაგარი სიმსუბუქით. ეს ჩვენი ეროვნული ციხეც ალბათ უნდა გენახა. მოკლედ, ისტორიულ სიმბოლოზმში ყველაფერი ჟანრის წესებით მიდის. აწი ცოტა გაძლებაც უნდა. ეს ხალხიც ნელა, მაგრამ იქოქება. შოკი და დაუჯერებელი იყო ხალხისთვის. მე ავდგები მალე და იცოდე, სანამ მაქედან არ გამოგიყვან მე სხვა საქმე არ მაქვს. ვერ ვიტან, მძულს ის აზრი, როცა წარმოვიდგენ, რომ შენ ბიძინას ციხეში ზიხარ. ბურთი მემჩხირება ყელში ბრაზისგან. დანარჩენს მიეხედება. წიგნებს არ გთავაზობ. არ მგონია რომ ჩვენი გემოვნება მანდ დაემთხვესა. ბა შენ იცი,იყავი მხნედ და მტკიცედ. მე ვამაყობ შენით როგორც არასდროს. გიგი”