“ჩემი შვილი იყო მთვრალი, მეუღლემაც დალია…“ – რას ამბობს დედა, რომელსაც ქმარმა შვილი მოუკლა

თიანეთში მომხდარი მკვლელობის შესახებ ახალი დეტალები ხდება ცნობილი.

გარდაცვლილის დედა ამბობს, რომ მამა-შვილს ურთიერთშელაპარაკებისას არაფხიზელ მდგომარეობაში იმყოფებოდა. 

„ჩემი შვილი იყო მთვრალი, ჩემმა მეუღლემაც დალია, მერე იჩხუბეს და გამოეკიდა ჩემი მეუღლე. მამას დანა დაურტყამს შვილისთვის. ქმარი დაიჭირეს,“- ამბობს მოკლულის დედა „კურიერთან“ საუბრისას.

ინფორმაციისთვის, 81 წლამდე ასაკის მამაკაცმა თიანეთში შვილი მოკლა. შემთხვევა სოფელ ჟებოტაში მოხდა. პოლიციამ თიანეთში მომხდარი მკვლელობის ფაქტი ცხელ კვალზე გახსნა და 81 წლის მამაკაცი დააკავა.