თვითგამოცხადებული ე.წ. ლუგანსკის სახალხო რესპუბლიკის ე.წ. გენერალური პროკურატურა საქართველოს ხელისუფლებას დახმარების თხოვნით მიმართავს. ამის შესახებ „უწყების“ წარმომადგენელმა ინა სემიონოვამ განაცხადა.
ე.წ. გენერალური პროკურატურა ითხოვს, საქართველო დაეხმაროს ყოფილი პრეზიდენტის მიხეილ სააკაშვილის შესაძლო მონაწილეობის დადგენაში, საქმეში, რაც 2014 წლის თებერვალში, კიევში, თავისუფლების მოედანზე ადამიანთა დახვრეტას უკავშირდება.
ე.წ. უწყების “განცხადება” ასე გამოიყურება:
„ლუგანსკის სახალხო რესპუბლიკის გენერალური პროკურატურა მიმართავს საქართველოს სამართალდამცავ ორგანოებს: ინფორმაციის დადგენის შემთხვევაში, რომელიც ეხება მიხეილ სააკაშვილის მონაწილეობას კიევში, თავისუფლების მოედანზე 2014 წლის თებერვალში სამოქალაქო პირთა და მილიციის თანამშრომელთა დახვრეტას, მიღებული მონაცემები მიაწოდოს ლუგანსკის სახალხო რესპუბლიკის გენერალურ პროკურატურას“, – ნათქვამია ინფორმაციაში.
მანამდე აღნიშნულმა დე ფაქტო უწყებამ გაავრცელა ინფორმაცია, რომ საქართველოს ექსპრეზიდენტის მიხეილ სააკაშვილის წინააღმდეგ საქმე აღძრა.
წყარო – ინტერპრესნიუსი
კომენტარები