“მოქალაქეების” ერთ-ერთი ლიდერი, ლევან იოსელიანი, რომელმაც ცოტა ხნის წინ, “ტვ პირველთან” თქვა, რომ არჩევნები მასშტაბურად არ გაყალბებულა და სწორედ ამიტომ არ არის აქციები და არ აპროტესტებს ოპოზიცია, სოციალურ ქსელში ავრცელებს “ტვ პირველის” სიუჟეტს, სადაც არჩევნების დღეს გადაღებული კადრებია შეკრებილი და წერს:
TV Pirveli News • ტვ პირველი სიუჟეტი, რომელიც მომიძღვენით არის ტყუილი და მცდელობა, რომ ერთეული შედეგები განაზოგადოთ მთელ არჩევნებზე.
არავინ არ დაობს, რომ წინასაარჩევნო პერიოდი ამ ქვეყანაში უსამართლოა და ბევრი პრობლემა აქვს. მაგრამ ფაქტია, რომ თავად არჩევნების დღე, ხმის დათვლის პროცედურა ჩატარდა ბევრად გამართულად, ვიდრე აქამდე ოდესმე. ფაქტები ადასტურებს ამას.
უკვე გადათვლილია საქართველოს მასშტაბით უბნების თითქმის 10%, შეუსაბამობა და დარღვევა 0.1 %-ის შემთხვევაშიც კი არ არის აღმოჩენილი. არავინ არ აფრიალებს დაუბალანსებელ ოქმებს და არავინ არ დგას ცესკოსთან თავმჯდომარის გადადგომის მოთხოვნით.
არავინ არ საუბრობს ტოტალურ გაყალბებაზე. უფრო მეტიც ISFED-ის პარალელური დათვლის შედეგები დაემთხვა ცესკოს მონაცემებს.
სიუჟეტების ვიღაცის ჯიბრზე გაკეთება, სირცხვილია.
სიუჟეტის ლინკს კომენტარში ვდებ.”
კომენტარები