“ფეხებზე გვკიდია, რა ახალ ბრალს გამოაცხობენ” – რა შეუზღუდებს ციხეში სააკაშვილს

ბექა ბასიალაია, მიხეილ სააკაშვილის ადვოკატი:

“დაანონსებული ახალი ბრალის არც მოლოდინი გვაქვს და არც არავის ეშინია, სულ ცალ ფეხზე გვკიდია შსს-ს და პროკურატურის მუქარები, ეგენი ის ხალხია, ზვიად გამსახურდიასაც რომ წაუყენებდნენ ბრალს, საქართველოში შემოსვლის გამო, ამიტომ ამას სერიოზულად არც აღიქვამს, რაც უნდათ ის უქნიათ. ფეხებზე გვკიდია, რა ახალ ბრალს გამოაცხობენ.

რაც შეეხება დღევანდელ საკითხს, გამოიჩინეს უაღრესი სულმდამბლობა, მიხეილ სააკაშვილს შეუზღუდეს ზარის განხორციელების უფლება, არ არსებობს საქართველოში მსჯავრდებული, მისთვის რომ ზარის განხორციელების უფლება.

ამავდროულად, სასამართლო უარს აცხადებს, მიხეილ სააკაშვილის პირველი ინსტანციის პროცესები, საუბარია ბადრი პატარკაციშვილის ქონებების საქმეზე და პიჯაკების საქმეზე – ჩვენ ვითხოვთ, რომ ორივე ამ საქმეზე ჩაინიშნოს პროცესები, რათა მიხეილ სააკაშვილს ჰქონდეს საშუალება წარსდგეს პოლიტიზირებული სასამართლოს წინაშე. ყველას ძალიან კარგად გვესმის, რომ მიშა შიმშილობს და სწორედ ამიტომაა საჭირო უახლოეს დღეებში ჩაინიშნოს პროცესები, თორემ, შიმშილობიდან 2 კვირის შემდეგ, მის სასამართლო პროცესების დასწრებასთან დაკავშირებით, შეიძლება პრობლემები წარმოიშვას.