ბოჭორიშვილის სახელობის კლინიკის გენერალური დირექტორი დავით გადელია სოციალურ ქსელში წერს:
„ცოტა დავმშვიდდეთ! ნუ გვავიწყდება, რომ ისინიც, ვინც ჩვენს პოლიტიკურ მოსაზრებას არ იზიარებენ, ამავე ქვეყნის მოქალაქეები არიან, ჩვენი ნათესავები, მეგობრები!… ახლა, ფბ-ზე შევხვდი ისეთ მწვავე დაპირისპირებას იმ ადამიანებს შორის, ვინც სულ ცოტა ხნის წინ ერთად იყვნენ, ერთ პოლიტიკურ პლათმორმაზე და სულში ისვამდნენ ერთმანეთს… გამოფხიზლდით ცოტა, ეს ქვეყანა ჩვენი კამათით არ იცვლება! ძალიანაც კარგია, როცა პოლიტიკაში დიდი ასორტიმენტია (სამწუხაროდ, არაა სინამდვილეში დიდი..). კამათში არავითარ შემთხვევაში არ უნდა მივაყენოთ შეურაცხყოფა მოკამათეს, იფიქრეთ ხვალინდელ დღეზე!
შეიძლება ვინმე გამიბრაზდეს – „შენ ჭკუას ვის ასწავლი, რა იცი ასეთი, ჩვენ რომ გვამუნათებო!..“ გამოცდილება მაძლევს ამის თქმის უფლებას. წლების განმავლობაში ვიყავი პოლიტიკაში, პარლამენტის წევრიც და დიდი კომპრომისულობით არ გამოვირჩეოდი. ენა კიდევ უფრო მწარე მქონდა ახალგაზრდობაში… აქ, ფბ-ზე, აუარება მეგობარი მყავს, ვინც ადრე ჩემი პოლიტიკური ოპონენტი იყო და იმედია მათაც ახსოვთ, რომ ცხარე მოკამათე ვიყავი, ირონიის დიდი პორციებით მომხმარებელი, მაგრამ არავისთვის არ მიმიყენებია პირადი შეურაცხყოფა! ამიტომაც ახლა, ძალიან ბევრი ყოფილი პოლიტოპონენტი არა მარტო აქ, არამედ ცხოვრებაშიც ახლო მეგობრები არიან. ვიფიქროთ ხვალინდელ დღეზე – ხვალაც ერთად უნდა ვიცხოვროთ“.
კომენტარები