“ოცნებამ პირწმინდად წააგო დედაქალაქი და საკრებულო იქნება ოპოზიციური” – ნიკა მელია

თბილისის მერობის კანდიდატმა, ენმ-ს თავმჯდომარემ ნიკა მელიამ მას შემდეგ, რაც ეგზიტპოლების შედეგები გახდა ცნობილი, მედიასთან თქვა:

“ქართულმა ოცნებამ პირწმინდად წააგო დედაქალაქი და საკრებულო იქნება ოპოზიციური, პარტიების მიერ დაკომპლექტებული. უმრავლესობა არის ოპოზიციის მიერ დასაკომპლექტებელი. მერის ნაწილში გაიმართება მეორე ტური, სადაც ერთიანი ოპოზიციური ფრონტით კოალიციურ მმართველობაში იქნება, როგორც საკრებულო, ასევე აღმასრულებელი ხელისუფლება თვითმმართველობის დონეზე თბილისში. ახლა, მთავარია, მომდევნო 2 საათის განმავლობაში თითოეული ხმა დავიცვათ.”

იმედის ეგზიტპოლის თანახმად, კახა კალაძემ 51.3% აიღო და პირველივე ტურში გაიმარჯვა, ედისონ რისერჩისა და იფსოსის კვლევის თანახმად კი, თბილისში მეორე ტური იქნება.