სააკაშვილი “ჩაუშვეს”? – “მგონია, განდობილთა შორის აღმოჩნდა გამცემი” – დავით ზურაბიშვილი

პოლიტიკოსი, დავით ზურაბიშვილი:

“პატარას წავიდეტექტივებ.
ისეთი დაბნეული იყო დილით ოცნების მთელი ლიდერშიფი, რომ ამის დადგმა გამორიცხულია. სრული მოულოდნელობა გახლდათ მათთვის სააკაშვილის ვიდეოები.
ამის შემდეგ ჯერ შსს აცხადებს რომ სააკაშვილს საზღვარი არ გადმოუკვეთიაო, მერე კიდევ იმეორებენ, რომ არ არის საქართველოშიო, მერე პარტიის ლიდერები გამოდიან ტრუსკავეცის ვერსიით. მოკლედ, სრული ქაოსი და ალთა-ბალთა იყოს საღამომდე.
საღამოს კი გამოდის ღარიბაშვილი, გვილოცავს ბიძინობას და ამ სვებედნიერ დღეს გვახარებს სააკაშვილის დაკავების ამბავს, თან იმასაც ამბობს, რომ იმთავითვე უთვალთვალებდნენ სააკაშვილს და მისი გადაადგილების მარშრუტი ცნობილი.

ძალიან ადვილი შესამჩნევია, რომ აქ არის სერიოზული აცდენა ლოგიკაში. კერძოდ,თუ სამართალდამცავებისთვის თავიდანვე ცნობილი იყო სააკაშვილის გადაადგილების შესახებ, ასეთ აბნეულ ვერსიებს და შეუთანხმებელ პასუხებს არ ჩამოყრიდნენ დილიდან. მე პირადად უფრო სავარაუდო მგონია, რომ სააკაშვილი ვიღაცამ “ჩაუშვა”, ანუ იმ მცირე განდობილთა შორის, ვინც სააკაშვილის ამ ვოიაჟის საქმის კურსში იყო, აღმოჩნდა გამცემი. 

ეს გამცემი იმთავითვე სუსის ინფორმატორი იყო და როცა საშუალება მიეცა, მაშინ გაგზავნა მესიჯი სადაც ჯერ არს, თუ არ იყო აგენტი, მაგრამ გადაწყვიტა, რომ სააკაშვილის ჩაშვებით რამე ხეირს მიიღებდა საქართველოს ხელისუფლებისგან, მე არ ვიცი, მაგრამ თავად ჩამშვების ვერსია ყველაზე სარწმუნოდ მეჩვენება.”