მედიცინის ვერც ერთი მუშაკი ვერ დატოვებს ქვეყანას – რა აკრძალვები შემოიღო ისრაელმა?

ისრაელის მედია ავრცელებს ქვეყნის ჯანდაცვის სამინისტროს აკრძალვებსა და რეკომენდაციებს:

ეხება ისრაელის ყველა მაცხოვრებელს!

ქვეყნის ჯანდაცვის სამინისტრომ გამოსცა რეკომენდაციები და შეზღუდვები, რომლებიც დაკავშირებულია კორონავირუსთან.

ისრაელები, რომლებიც გერმანიიდან, საფრანგეთიდან, შვეიცარიიდან, ავსტრიიდან, ესპანეთიდან ბრუნდებიან, მოგზაურობიდან 14 დღის განმავლობაში უნდა დარჩნენ სახლში კარანტინში – თვითიზოლაციაში.

გამოცხადდა ისრაელში შესვლის აკრძალვა ამ ქვეყნებიდან ტურისტებისთვის, გარდა იმ შემთხვევისა, როდესაც მათ შეუძლიათ დაამტკიცონ ისრაელში სახლში კარანტინაში ყოფნის შესაძლებლობა.

იკრძალება ნებისმიერი საერთაშორისო ღონისძიების, ფორუმის, კონფერენციების გამართვა ისრაელში.

ისრაელის მოქალაქეებს, რომლებიც საზღვარგარეთ მონაწილეობდნენ საერთაშორისო ღონისძიებებში, მოეთხოვებათ სახლის კარანტინის დაცვა 14 დღის განმავლობაში.

არსებობს სრული აკრძალვა ისრაელის დატოვებაზე ყველა სამედიცინო პერსონალისთვის.

გამოცხადდა აკრძალვა მასობრივი ღონისძიებების გამართვაზე ისრაელში, სადაც 5000-ზე მეტი ადამიანია, დიდი აუდიტორიით.

ყველა, ვინც საზღვარგარეთიდან დაბრუნდა ბოლო ორი კვირის განმავლობაში, აკრძალული აქვს 100-ზე მეტი ადამიანისგან შემდგარ მასობრივ ღონისძიებებში მონაწილეობა.

რეკომენდებულია, რომ საჯარო სამსახურის ადმინისტრაციამ განიხილოს აკრძალვა საჯარო მოხელეების საზღვარგარეთ გამგზავრებაზე.

60 წელზე უფროსი ასაკის პირებსა და ქრონიკულ პაციენტებს (გულ-სისხლძარღვთა დაავადებები, დიაბეტი, ჰიპერტენზია, რესპირატორული დაავადებები) ურჩევენ, თავი შეიკავონ საზოგადოებრივი ადგილების მონახულებისგან და შესაძლო კომუნიკაციისთვის, ვინც ახლახანს დაბრუნდა ქვეყანაში.

უცხოელ ტურისტებს, რომლებიც ბოლო 2 კვირის განმავლობაში იმყოფებოდნენ ირანში, სირიაში, ერაყსა და ლიბანში, ისრაელში შესვლის უფლება არ აქვთ.