“იცით როდის დავბრუნდებით? როცა ვეტერანი ყველაზე დაფასებული და ყველაზე დიდი პენსიით იცხოვრებს” – გიორგი ფოფხაძე

საფრანგეთში მცხოვრები ქართველი ჟურნალისტი, გიორგი ფოფხაძე:

“27 სექტემბერზე არასოდეს არაფერს ვწერ.. უფრო სწორად ვერ ვწერ.. მე იქ იმ დღეს “რუსული ტანკების ცეკვა” ვნახე.. ღვთის ანაბარად მიტოვებული ქართველი მებრძოლები ვნახე, რუსების საჯიჯგნად გადაგდებული ქართული გენი და მთლიანად საქართველო ვნახე და …

არ მინდა დავწერო ჩვენ დავბრუნდებით, ასე ჩვენ ვერსად ვერ დავბრუნდებით, ამ პოლიტიკური მოცემულობით , ამ პოლიტიკური ელიტით, ვერსად, ვერანაირად… დავბრუნდებით კი არა და იმასაც დავკარგავთ რაც გვაქვს.

იცით როდის დავბრუნდებით?

როცა ჩვენ სამხედრო ელიტას შევქმნით

როცა საქართველოსთვის ჯარში მსახური საამაყო იქნება

როცა ვეტერანი ყველაზე დაფასებული და ყველაზე დიდი პენსიით იცხოვრებს.

როცა ქვეყანას საქართველოსთვის, საქართველოს ჯარში ნამსახურები ხალხი ეყოლება მმართველად..

სხვაგვარად არანაირი აფხაზეთი არ იქნება, ვერც ევროპა გვიშველის, ვერც ამერიკა და ვერც რუსებთან მოლაპარაკებები. ჩვენ თუ არ შევქნით ჩვენ თუ არ გავაკეთებთ, ჩცვენ თუ არ შევძლებთ, ჩვენ თუ არ გავძლიერდებით, ვერავინ და ვერაფერი ვერ დაგვაბრუნებს.. უფლის ნებაც კი”