უამინდობის მიუხედავად, მეოთხე დღეა, თურქეთის არაერთ ქალაქში, სტუდენტებს ქუჩებსა და სკვერებში სძინავთ. ისინი ამით ბინების გაზრდილ ქირას აპროტესტებენ, – ინფორმაციას Al Jazeera ავრცელებს.
„არ აქვს მნიშვნელობა, წვიმს თუ არა. ჩვენ აქ იქამდე დავრჩებით, ვიდრე ჩვენი მოთხოვნები არ დაკმაყოფილდება. დასარჩენი მაინც არ გვაქვს, თუ ადრე, სასწავლებელთან ახლოს, ბინას 750 თურქულ ლირად იქირავებდი, ახლა საშუალო ფასმა 2 ათას ლირას გადააჭარბა.“ – ამბობს სტუდენტი.
სტუდენტები ხელისუფლებისგან ფასების რეგულირებას, ან – ქირის თანადაფინანსებასა და სტიპენდიების გაზრდას ითხოვენ.
კომენტარები