„ქართული ოცნების“ თავმჯდომარის ირაკლი კობახიძის განცხადებით, ქალი, რომელმაც, მისი თქმით, გიორგი გახარიას „კოკაინი“ გაასინჯა, გახარიას პარტიიდან საკრებულოს სიაშია.
კითხვაზე, მისი ინფორმაციის მიხედვით, როდის დაიწყო გახარიამ „კოკაინის“ მოხმარება, კობახიძე პასუხობს: „მას შემდეგ, რაც წავიდა პარტიიდან და ხელიდან“.
„საკრებულოს სიაშია, თუმცა გვარის დაკონკრეტებას მოვერიდები. ეს ქალბატონი არასდროს ყოფილა „ქართული ოცნების“ წევრი, თუმცა ის არის საკრებულოს სიაში გახარიას პარტიიდან“,- განაცხადა კობახიძემ.
კობახიძემ უპასუხა კითხვას იმის შესახებ, რომ „გიორგი გახარიას თქმით, მმართველ გუნდს „კოკაინთან“ დაკავშირებით საუბრის გამბედაობა არ ეყოფოდა, ეს რომ ბიძინა ივანიშვილის დაკვეთა არ იყოს“.
„ჩვენ ამის გამბედაობა არ გვეყოფოდა, ეს კაცი „კოკაინს“ რომ არ მოიხმარდეს“,- განაცხადა კობახიძემ.
წყარო – ინტერპრესნიუსი
იმედია, სახელმწიფო ინსპექტორის სამსახური ყურადღებას მიაქცევს კობახიძის განცხადებას, რომელმაც ეჭვი მიატანინა საზოგადოებს მინიმუმ რამდენიმე ადამიანზე, კონკრეტული სამხილების გარეშე.
შეგახსენებთ, გიორგი გახარიას პარტიის საკრებულოს წევრობის კანდიდატთა პროპორციული სია, რომელიც გახარიამ პირველ სექტემბერს წარადგინა, ასე გამოიყურება.
ლევან დოლიძე
ზაზა თავაძე
სალომე კობალაძე
გიორგი შარაშიძე
დავით ფარცვანია
თამარ ხვედელიანი
ეკატერინე ვეფხვაძე
მალხაზ მჭედლიშვილი
საბა ჯიქიძე
გიორგი სოსელია
თიკო თვალაძე
გიორგი კიკნაველიძე
ზაურ რეხვიაშვილი
ქეთევან ბაკარაძე
ვატო ფაჩულია
გახარიამ იგივე დღეს წარადგინა „საქართველოსთვის“ მაჟორიტარი კანდიდატებიც:
- სამგორში – კახა ქემოკლიძე
- ისანში – დავით გოგიძე
- კრწანისში – ზურაბ რეხვიაშვილი
- მთაწმინდის რაიონში – ვახტანგ ვატო გვაზავა
- ვაკე – მერაბ მაჭავარიანი
- ჩუღურეთი – რუსუდან თევზაძე
- დიდუბე – გიორგი ქაჯაია
- საბურთალოს რაიონში – მიხეილ ნაბიჯაშვილი
- ნაძალადევში – გალაქტიონ ღუდუშაური
- გლდანი – ნათია მეზვრიშვილი
კომენტარები