“წადით, ქალებო, ჯარში, ისწავლეთ თავდაცვა, დამიჯერეთ, ლობიოს ხარშვაზე მეტად გამოგადგებათ”

ჟურნალისტი, ფილოლოგი ლელა კურდღელაშვილი, სოციალურ ქსელში, წერს:

” ბოლო ორ კვირაში:
1. 17 წლის ბიჭმა მოკლა დედა და ბებია ნაჯახით
2. ახალგაზრდა კაცმა მოკლა დედა და და თოფით
3. ახალგაზრდა კაცმა მოკლა დედა და მერე ცხედარს ცეცხლი წაუკიდა – კვალი დაფარვა უნდოდა
4. ახლახან ხაშურში 28 წლის კაცმა რამდენიმე ჭრილობა მიაყენა ყოფილ ცოლს ქუჩაში. ქალის მდგომარეობა უმძიმესია.
ბოლო 10 დღეა ერი მოთქვამს კორონავირუსზე და დამნაშავეს ეძებს, ოღონდ ჯერ კორონავირუსიანი გვყავს 4 და იქიდან ერთის მდგომარეობა არის საყურადღებო -38.5 აქვს სიცხე. ბოლო ათი დღეა ერი სრულიად სერიოზულად განიხილავს ჩაის კოვზით ზიარების ამბებს.
დასკვნა: ნაციას ადეკვატურობაში მაგრად უჭირს და ეძებს იმას, ვისაც საკუთარ სითხლევეს გადააბრალებს. ჰოდა, რადგან ყველაფერში ევას დროიდან ქალია დამნაშავე, ამიტომაც ჟუჟავენ ქალებს – ძირითადად იმათ, ვისაც ერევიან და ვიზეც ხელი მიუწვდებათ, თორემ სამხედრო და ავღანეთგამოვლილ ქალს რომ ეგრე აქშას ვერ დაუძახებ, მაგდენი ყველაზე უიმედო შიზოიდსაც ესმის. ჰოდა, წადით ქალებო ჯარში. ან ისწავლეთ თავდაცვა. დამიჯერეთ, ლობიოს ხარშვაზე მეტად გამოგადგებათ. სიტუაციის შეფასებასაც ისწავლით და საკუთარი თავის რწმენაც გაგიჩნდებათ”