“მიუხედავად პფაიზერის დაჟინებული მოთხოვნისა ეს წინადადება არ გავიდა” – ზაზა წერეთელი

ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი:

“სულ რამოდენიმე წუთის წინ ამერიკის საკვებისა და წამლების სააგენტოში (FDA) დამთავრდა ორი ხმის მიცემის პროცედურა. პირველზე გატანილი იყო პფაიზერის მოთხოვნა რომ მესამე ბუსტერ დოზა დაეშვათ 16 წლის ზემოთ ასაკის ყველა მოქალაქისთვის. 16 ხმით 2 -ის წინააღმდეგ, მიუხედავად პფაიზერის დაჟინებული მოთხოვნისა ეს წინადადება არ გავიდა.

მეორე ჯერზე გამოიტანეს და ხმის მიცემის შემდეგ დაამტკიცეს რომ მესამე ბუსტერ დოზა დაენიშნებათ 65 წლის ზემოთ ასაკის ადამიანებს (მეორე აცრიდან 6 თვის შემდეგ) და მათ ვინც რისკ ჯგუფებში შედიან. მაგალითისათვის, გაერთიანებულ სამეფოში, ასეთი გადაწყვეტილება მიღებული იქნა 50 წელს ზემოთ მყოფი მოსახლეობისათვის.”