“ჯოჯოხეთი უნდა გაგვეარა მეც, მიშასაც, რომ დაგვენახა, ესეთ ნაძირლებს გვერდზე რომ დაიყენებ, უარესი დაგემართება… დიახ, ჩვენი ხელისუფლება ძალოვნებმა დაანგრიეს” – გიგი უგულავა

პოლიტიკოსი, გიგი უგულავა, “ტვ პირველთან” ამბობს:

“გახარია და მეზვრიშვილი ლოყებდაბერილები რომ ლაპარაკობენ, მე ავიღე პასუხისმგებლობა, ძალოვანი საერთოდ არ ვიყავი, მაგრამ იმ ხელისუფლების მერი ვიყავი და ესენი ძალოვნები, ლაპარაკობენ რაღაც მესამე პირში. ესეც უნდა დამთავრდეს. ვერ გავიგე, ეს ხალხი ან იმ სუსში არ მუშაობდა, ან იმ სუსის მოადგილე არ იყო, ან იმ სუსის უფროსი არ იყო, ან ყველა ხელისუფლების პროკურორი არ იყო ქალბატონი მეზვრიშვილი? მორჩით… ნამუსიც… იღუპება ქვეყანა, არქივარიუსებად ვერ ვიქცევით, იღუპება ქვეყანა.

დიახ, ჩვენი ხელისუფლება ძალოვნებმა დაანგრიეს და ძალოვნების თავნებობამ დაანგრიეს თავიდან ბოლომდე და ჩვენი პრობლემა ის იყო, რომ თავი არ მოვჭერით იმ გველეშაპს, მაგრამ ეს გველეშაპი ცხრათავიანია უკვე დღეს, ცხრათავიანია და თუ არ დავამარცხეთ ამ რეფერენდუმზე ასთავიანი გახდება და მერე უკვე გვიანი იქნება…

ივნიშვილის ასეთ ხელისუფლებას დასავლეთი კარებს დაუხურავს და გაიღება რუსეთის კარები, ეს ავტომატურად ასე მოხდება, ამიტომაა მნიშვნელოვანი, რომ 2 ოქტომბერს ეს სარეველა ბალახი ამოვძირკვოთ.

2 ოქტომბერს ქართველი ხალხი გაიმარჯვებს. ვადამდელი არჩევნების დანიშვნა გარდაუვალია, ვხედავ ბოლო დღეები ამ საზიზღრობას, მოდის ცუნამივით… ეს არის დანაღმული ველი, როდის რა აფეთქდება არ ვიცით, ეს არის დანაღმული ველი სახელმწიფოსთვის, თითოეული მოქალაქისთვის. ეს ვერ დამთავრდება, სანამ ქართული ოცნება იქნება ხელისუფლებაში. როგორც ციხის კადრების მერე, რაც არ უნდა მოგვეგო არჩევნები მაინც მორალურად გამქრალი ვიყავით და უნდა წავსულიყავით ოპოზიციაში, ჯოჯოხეთი უნდა გაგვეარა მართლა მეც, მიშასაც, რომ დაგვენახა, ესეთ ნაძირლებს გვერდზე რომ დაიყენებ, უარესი დაგემართება. ივანიშვილმა, რომელმაც სხვისი შეცდომები არ გაითვალისწინა, ივანიშვილს მოუვა უარესი, იმიტომ რომ ის 9 წელი იყო ქვეყნის აშენების, ქვეყნის ჩამოყალიბების და ეს 9 წელი არის უსაქმურობის, არაფრის კეთების, აღზევებული მდაბიობების და უბედურების. არასდროს ტოლობის ნიშანს არ ჩავუსვამ ამ ორ 9 წელს შორის, მიუხედავად ჩავარდნებისა. ჯოჯოხეთი უნდა გაგვეარა და გავიარეთ, მაგრამ უნდა გაგვეარა ჩვენ და არა რიგით პედაგოგს, რიგით მღვდელს, ჩვენ… ეს ნაძირლები შეეხნენ ჩვეულებრივ ადამიანებს, აქამდე ჩვენ გვაწიოკებდნენ, ციხეში გვსვამდნენ, ქვეყნიდან გვაგდებდნენ და არა უშავს, შეიძლება დავიმსახურეთ, მაგრამ ახლა შეეხნენ ჩვეულებრივ მოქალაქეებს და ჩვეულებრივი მოქალაქეებისგან მიიღებენ პასუხს. ვერ იჯდება მშვიდად და ვერ დაითვლის პინგვინებს. აი, ამ ნაგავს და ნიაღვარს უნდა გადაყვეს ივანიშვილი. უნდა დაინგრეს ეს სუსი ერთხელ და სამუდამოდ.”