“გაუგებარ სიტუაციაში აღმოვჩნდი” – მაკა მახარაძემ გახარიას მხარდამჭერთა ჯგუფი სამ დღეში დატოვა

გიორგი გახარიას პარტიის მხარდამჭერთა ჯგუფი, ცნობილმა ბალერინამ მაკა მახარაძემ დატოვა.

ის „პრაიმტაიმთან“ ამბობს:

„აღარ ვარ იქ. ჩემთვის ეს ყველაფერი ძალიან მოულოდნელი იყო. არ არის ჩემი საქმე და მთელი ამბავი ეს არის. მე ამ საქმეში არ გამოვადგები არავის, მე ჩემი საქმე და პროფესია მაქვს.უბრალოდ აღმოვჩნდი მოულოდნელად გაუგებარ სიტუაციაში.

ბევრი ვიფიქრე, ვინერვიულე. არ არის ჩემი საქმე პოლიტიკა. არასდროს გავკარებივარ პოლიტიკას და არც გავეკარები არავითარ შემთხვევაში. არანაირ კონფლიქტს ადგილი არ ჰქონია. სიმპათიით ვარ მის მიმართ განწყობილი, რა თქმა უნდა, მაგრამ არ არის ჩემი საქმე პოლიტიკასთან გაკარება.“

ცნობისთვის, გიორგი გახარიას მხარდამჭერთა ჯგუფის პრეზენტაცია 12 სექტემბერს შედგა, სადაც თავად გიორგი გახარიაც იმყოფებოდა.

„გიორგი გახარიას გვერდით დგომა ჩემთვის მართლა პატივია და მიხარია. იმიტომ, რომ დიდი ხანია მომწონს მისი მუშაობა და რასაც აკეთებს. გახარიას მხარდამჭერთა კლუბის ხელმძღვანელად ამირჩიეს და ძალიან მადლობელი ვარ. იმედი მაქვს, რომ უკეთესობისკენ წაგვიყვანს“, – თქვა მახარაძემ პრეზენტაციის დღეს.