ქსპრემიერმა გიორგი გახარიამ ფორმულას ეთერში, თქვა:
“ოცნება უკვე ქართული აღარ არის. იმიტომ, რომ ამ ხალხს თავისი სავარძელი უფრო შეუყვარდა, ვიდრე სამართლიანობის ის ფასეულობები, რითიც ხელისუფლებაში მოვიდა, დამთავრდა. ერთ მარტივ მაგალითს გეტყვით: ხულოში ერთი ძალიან ღირსეული კაცი გავიცანი, 80 წლის არის. ახლა სმს მომწერა, ბაბუო, მთავრობა რომ ხმაში ფულის გადახდას დაიწყებს, მისი საქმე წასულიაო. ზუსტად აქ ვართ ახლა ჩვენ.
ოცნებამ 100%-ც რომ აიღოს, რიგგარეშე არჩევნები მაინც ჩატარდება. ქვეყანა კარგად და ცუდად [კი არ იმართება], ქაოსია ჩვეულებრივი. ერთი გამოვა, რაღაცას იტყვის. მერე 180 გრადუსით დატრიალდებიან, სხვა რამეს ამბობენ. დღეს ქვეყანაში წესრიგის დამყარებაა საჭირო. დღეს, სახელმწიფოს მშენებლობა კი არა, რაც ბოლო 9 წლის განმავლობაში მიღწევები გვაქვს, იმასაც ვერ შევინარჩუნებთ.”
მან ისაუბრა უკანონო მოსმენებზეც და თქვა:
“მე, როგორც პრემიერმინისტრის, უსაფრთხოების სამსახურიდან ქვეყნის შიდა და გარე უსაფრთხოებასთან დაკავშირებით მომდიოდა გარკვეული ბრიფები.
მაგრამ ამ მასშტაბის ინფორმაცია არ მქონდა, რა თქმა უნდა.
პირველ რიგში, ამ ჩანაწერების ავთენტურობა უნდა დადასტურდეს. იმ ნაწილში, სადაც ავთენტურობა იქნება დადგენილი, რა თქმა უნდა, შესაძლებელია და მე ამას ვუშვებ – შეიძლება, დანაშაული იყოს დადგენილი.
ეს ძალიან მძიმე დანაშაულია.
რაღაც ნაწილში, გარკვეული სისხლის სამართლის საქმის ფარგლებში, ვიღაცებს შესაძლოა ლეგიტიმურადაც უსმენდნენ. ასეთებიც შეიძლება მოხვედრილიყვნენ იქ, ზოგიერთები. ბევრს არ ვამბობ.
მეორე საკითხია, როგორ მოხდა ამ ინფორმაციის გასაჯაროება. ეს მეორე დიდი პრობლემაა, იმიტომ, რომ ჩვენ ოკუპირებული ქვეყანა ვართ. ეს ნიშნავს, რომ გარკვეულ უწყებებში ინფორმაცია როგორ მოძრაობს, კაციშვილმა არ იცის.
მესამე, უმძიმესი საკითხი – იმის ნაცვლად, რომ ეს ორი საკითხი დაადგინო – ავთენტურობა და იყო თუ არა დანაშაული ჩადენილი, საერთოდ როგორ გაჟონა ამ უწყებიდან, დღეს რას ვხედავთ – მმართველი ძალა ამ არა მარტო მათთვის, არამედ ქვეყნისთვისაც უბედურებას პოლიტიკური მიზნებისთვის გამოყენებას და ვიღაცისთვის დამიზნებას”.
კომენტარები