ტელეკომპანია იმედმა “ერთიანი ნაციონალური მოძრაობის” საარჩევნო რეკლამა დაბლოკა.
პარტიის ოფისში გამართულ ბრიფინგზე, ნიკა ობოლაძემ თქვა, რომ “ქართულ ოცნებას” ნიკა მელიას დანახვა ეშინია და სწორედ ამიტომ ბლოკავს საარჩევნო კლიპს.
რეკლამის დაბლოკვასთან დაკავშირებით “იმედს” განცხადება არ გაუკეთებია.
ეს პირველი შემთხვევა არ არის, როცა ტელეკომპანიამ ოპოზიციური პარტიის საარჩევნო კლიპის ეთერში გაშვებაზე უარს ამბობს. 26 აგვისტოს, “იმედმა” “ევროპულ საქართველოს” წინასაარჩევნო რეკლამის გაშვებაზე, “სიძულვილის ენის” მოტივით, უთხრა უარი.
თუმცა, 12 სექტემბერს, კომუნიკაციების კომისიამ ტელეკომპანია “იმედის” მიმართ “ევროპული საქართველოს” საჩივარი დააკმაყოფილა და მაუწყებელს სამართალდარღვევის ოქმი შეუდგინა.
კომენტარები