ფოტო – ტვ პირველი
ვებგვერდი, სადაც სავარაუდოდ, სუს-ის საიდუმლო ფაილები აიტვირთა, ამერიკაშია რეგისტრირებული.
საიტის შექმნაც და მასალების ატვირთვაც 12 სექტემბერს ტელევზიებში მასალების გამოგზავნამდე ერთი დღით ადრე მოხდა.
ბოლო საიდუმლო ფაილი 2021 წლის 23 თებერვლით თარიღდება. გამოდის, რომ 6 თვის განმავლობაში, სავარაუდოდ, სუსიდან გამოტანილ ფაილებს ლილუაშვილის უწყების თანამშრომელი საიდუმლოდ ინახავდა.
საიტზე, საიდანაც სკანდალური დოკემენტები აიტვირთა, არაა მითითებული, რომელმა ორგანიზაციამ ან პირმა ატვირთა ფაილები.
საიტის შექმნის თარიღად მითითებულია მიმდინარე წლის 12 სექტემბერი. IP მისამართს რაც შეეხება, ამ ველში მითითებულია კალიფორნია, უფრო კონკრეტულად, სან-ხოსე.
არ არის გამორიცხული, რომ ჩამონათვალი სპეციალური პროგრამით იყოს შეცვლილი და საერთოდ არ იმართებოდეს ამერიკიდან.
სერვერების სახელი, საიდანაც საიტი იმართება, კონფიდენციალურია და მასზე წვდომა დაბლოკილია. ვებდეველოპერებს ეჭვი აქვთ, რომ ვებგვერდი არალეგალური საიტიდან – dark web-იდან არის გაკეთებული. აღსანიშნავია, რომ dark web-ზე ყველანაირი არალეგალური ნივთები იყიდება.
წყარო – ტვ პირველი
კომენტარები