გინდა სუს-ი დაარქვი გინდა კუდ-ი, მისი სახელია კგბ და მართვა კგბ-ს ხელით შანტაჟით და დატერორებით – ასე ეხმაურება ფოთის მერობის კანდიდატი გიგი უგულავა გუშინ, “მთავარ აქცენტებში” გასაჯაროებულ დოკუმენტაციას.
უგულავამ ფოთის მერობის კანდიდატის, ქართული ოცნებიდან, ბექა ვაჭარაძის შემთხვევას გაუსვა ხაზი და ის “სისტემის მსხვერპლად” მოიხსენია.
“დიახ სისტემის მსხვერპლია იმიტომ, რომ განსხვავებით სხვა კანდიდატებისგან, რომლებიც საკუთარი ნებით ხდებიან აგენტები, ეს ადამიანი როგორც ირკვევა, არის დაშანტაჟებული პირადი ცხოვრების მასალებით. მას როგორც მსვერპლს მზად ვარ დავუდგე გვერდით ყველანაირად იმიტომ, რომ ეს არის ამორალური და საზიზღრობა, რაც ჩვენ ვიხილეთ” ამბობს უგულავა.
ოპოზიციის ერთიანი კანდიდატი მიმართავს ვაჭარაძეს მკაფიო განმარტება გააკეთოს გავრცელებულ ინფორმაციებზე დღის ბოლომდე, ან შეწყვიტოს კამპანია.
კომენტარები