კორონავირუსზე ლაბორატორიული კვლევები ლუგარის სახელების ლაბორატორიაში კეთდება. სავარაუდო ინფიცირებულებს ყოველდღიურ რეჟიმში ამოწმებენ სისხლის საერთო ანალიზისა და ამ დაავადებისთვის საჭირო სხვა კრიტერიუმების შემფასებელი გამოკვლევებით.
სად მიდის საშიში ვირუსით ინფიცირებული ადამიანების და სხვა საეჭვო პაციენტებისგან აღებული ნიმუშები?
ირკვევა, რომ ლუგარის ლაბორატორიაში ამისთვის ცალკე სივრცეა მოწყობილი, სადაც განთავსებულია დიდი დანადგარი. ყველა თხევადი ნარჩენი, სისხლის ნიმუში, თუ ხელის ნაბანი წყალიც კი, საბოლო ჯამში ჩაედინება აპარატში. მანამდე სითხეები დეზინფექციას გადის სპეციალური საშუალებებით და ბოლოს, აქ ეს სისტემა სრულად ანეიტრალებს მიღებულ ნარჩენებს. ამის მერე წყალი კანალიზაციას უერთდება.
ასე რომ, ლუგარის ლაბორატორიაში უსაფრთხოების დონე დაცულია, როგორც უშუალოდ კვლევების დროს, ისე ნარჩენების მართვის თვალსაზრისით.
კომენტარები