მწვავე პროგნოზით 100 000 ავსტრალიელი, შესაძლოა, კორონავირუსისგან დაიღუპოს. რადგან ვირუსის ახალი შვიდი შემთხვევა სწორედ ერთი ადამიანიდან მეორეზე გადაცემამ გამოიწვია. ამის შესახებ ინფრომაციას Dailymail ავრცელებს.
ავსტრალია კორონავირუსისგან გამოწვეულმა პანიკამ მოიცვა. ახალი შემთხვევების აღმოჩენის გამო, სუპერმარკეტებში თაროები საოცარი სისწრაფით ცარიელდება. ცოტა ხნის წინ ექსპერტების შემზარავმა გაფრთხილებამ გაიჟღერა – თუ კრიზისი გაღრმავდება, შესაძლოა, მან 100 000 ადგილობრივის სიცოცხლე შეიწიროს.
სამშაბათს სამხრეთ უელსში COVID-19-ი 6 ახალი შემთხვევა დააფიქსირეს. ვიქტორიაში ჩატარებულმა ტესტირებამ კი აჩვენა, რომ ინფიცირებულთა რიცხვი 41 იყო.
ამასთანავე, უნივერსიტეტის სტუდენტები ტესტის ჩასატარებლად ჰოსპიტალში გაგზავნეს.
ავსტრალიის სარეზერვო ბანკის წარმომადგენელის თქმით, ეპიდემიამ მსოფლიო მასშტაბით შესაძლოა 68 მილიონი ადამიანი იმსხვერპლოს, აქედან 96 000 ავსტრალიელი.
გამყიდველების თქმით, მოსახლეობამ თაროებიდან ყველაფერი დაიტაცა:
„ეს სამყაროს დასასრულს ჰგავდა, როდესაც ისინი ტუალეტის ქაღალდებს ხელებზე იწყობდნენ“.
ეკონომისტების პროგნოზით, თუ ეპიდემია გაუარესდა, ავსტრალიამ, შესაძლოა, 156 მილიარდი ზარალი განიცადოს.
წყარო – პრაიმტაიმი
კომენტარები