დემოკრატიული ცვლილებების ცენტრის ხელმძღვანელი დავით ჩიხელიძე:
“უზენაესმა სასამართლომ თავდაცვის ყოფილი მინისტრი დავით კეზერაშვილი დიდი ოდენობით სახელმწიფოს კუთვნილი თანხის გაფლანგვისთვის დამნაშავედ ცნო. დაინტერესებულ მხარეს შეუძლია პროკურატურის განცხადება ნახოს, სადაც ბრალდება დეტალურად არის ახსნილი.
კეზერაშვილისთვის გამამტყუნებელი განაჩენის გამოტანა კითხვის ნიშნებს არ ტოვებს, მაგრამ საინტერესოა თვითონ ბრალდებულის პოზიცია, უფრო სწორად უტიფრობა. კეზერაშვილმა შუბლის ძარღვი გაიწყვიტა და უზენაესი სასამართლოს გადაწყვეტილების გასაჩივრებას სტრასბურგის სასამართლოში აპირებს. კეზერაშვილი არის განსაკუთრებული გარეწარი, რომელიც საქართველოს ისტორიაში ყველაზე სამარცხვინო თავდაცვის მინისტრი იყო! ის რომ კეზერაშვილი წმინდანი არ არის, ყველამ ვიცით, მის მიმართ არაერთი კითხვა არსებობს, რომელზე პასუხიც სასიცოცხლოდ მნიშვნელოვანია. საინტერესოა, როგორ მოახერხა წაგებული ომის დროინდელმა მინისტრმა, ომის დასრულებიდან მოკლე დროში მილიარდერი გამხდარიყო? არსებობს საფუძვლიანი ეჭვი, რომ ის იარაღით უკანონო ვაჭრობით გამდიდრდა, ეჭვს აძლიერებს, ჰილარი კლინტონის მიერ, ჯონ ტეფტისთვის გამოგზავნილი გრიფით საიდუმლო წერილი, რომელშიც სწორედ იარაღით ვაჭრობაზეა საუბარი.
შვეიცარიულმა გაზეთმა Tribune de Geneva გაასაჯაროვა დოკუმენტები, რომლითაც ირკვევა, რომ კეზერაშვილი ოფშორში რეგისტრირებული რამდენიმე კომპანიის უკან დგას, რომლებიც იარაღით ვაჭრობდნენ, კეზერაშვილით ინტერესდება ისრაელის ძალოვანი უწყებები და ა.შ. ეს არის იმ შესაძლო დანაშაულების არასრული ჩამონათვალი, რომლის შესახებ არა ქართული, არამედ სხვა ქვეყნის ძალოვანი უწყების წარმომადგენლები საუბრობენ. ასეთი ისტორიის მქონე ადამიანს, უდანაშაულობაზე პრეტენზია არ უნდა ჰქონდეს. მისი სითავხედე ნამდვილად გასაკვირია. დარწმუნებული ვარ სტრასბურგი უზენაესი სასამართლო გადაწყვეტილებას ძალაში დატოვებს და კეზერაშვილისგან აღიარების ნაცვლად, საქართველოს ხელისუფლების მიმართ სტრასბურგის მონურ დამოკიდებულებაზე ისაუბრებს“
კომენტარები