“კალაძე ლანძღა, გახარია თითქოს გააკრიტიკა, 20 ივნისი რბილად ახსენა, სინამდვილეში აქო, ცუდი ივანიშვილს დააბრალა” – სალუქვაძე

მიხეილ სააკაშვილის ინტერვიუს, რომელიც ყოფილმა პრეზიდენტმა „ტვ პირველს“ მისცა, სოციალურ ქსელში გამოეხმაურა სამხედრო საქმის ექსპერტი ამირან სალუქვაძე:

„ვინც მოუსმინეთ სააკაშვილის დღევანდელ ეთერს ე.წ. ტვ პირველთან, რაიმე კითხვა დაგრჩათ მერობის რომელ კანდიდატს ებრძვის და ვისი რეიტინგის აწევაზე მუშაობს მთელი თავისი რესურსით?
კალაძე ლანძღა, გახარია თითქოს გააკრიტიკა, 20 ივნისი რბილად, გაკვრით ახსენა, თითქოს თავად დისტანცირდა, სინამდვილეში აქო, კომუნიკაციის ფაქტიც გააჟღერა (უარი მითხრაო), ცუდი ივანიშვილს დააბრალა, პრორუსულების ხმებიც გაუჩალიჩა…

რა ნიშნით განსაზღვრა გახარიას უფრო ცივილურობა, ვიდრე ღარიბაშვილის, წამყვანი რომ ჩაკითხოდა, იქნებ გაგვეგო რაიმე.

წამყვანს კიდევ ბევრი საინტერესო კითხვის დასმა შეელო, თუმცა საზოგადოებისათვის საინტერესო კითხვები უპასუხოდ დარჩა.

ყოფილ უმაღლეს მთავარსარდალს დღევანდელ განაჩენზე, თავდაცვის სახსრების ფლანგვაზე (ცალკე დავწერ) ომის წინ, არაფერი ჰკითხეს. სამაგიეროდ აბასთუმანზე გაუკეთებიათ ცრუ სიუჟეტი. ერთი თვის წინ ვიყავი, ჩემი თვალით ვნახე რაც კეთდება. ამ თემაზეც კიდევ ერთხელ დავწერ”