თურქეთში მიუ შტამი დაფიქსირდა – დეტალები

ფოტო – Daily Sabah

თურქეთის ჯანდაცვის მინისტრი, ფაჰრეტინ კოჩა ადასტურებს, რომ ქვეყანაში კორონავირუსის მიუ ვარიანტის ორი შემთხვევა დაფიქსირდა.

ინფორმაციას თურქული სააგენტო Daily Sabah-ი ავრცელებს. 

შტამი, კოდით B.1.621 პირველად კოლუმბიაში 2021 წლის იანვარში დაფიქსირდა. WHO-მ “საინტერესო ვარიანტების” (VOI) სიაში ის 30 აგვისტოს შეიტანა.

ჯანმოს განმარტებით, ვარიანტს შესაძლოა ჰქონდეს მუტაციები, რომლებიც ვაქცინებისადმი რეზისტენტობის გამოვლენის რისკზე მიუთითებს და საჭიროა კვლევების ჩატარება.

ამ დროისთვის Mu ვარიანტის შემთხვევები სამხრეთ ამერიკასა და ევროპაშია გამოვლენილი.

აშშ-ის ალერგიული და ინფექციური დაავადებების ინსტიტუტის ხელმძღვანელის, ენტონი ფაუჩის განცხადებით, კორონავირუსის ახალ Mu ვარიანტს დიდი სიფრთხილით აკვირდებიან.

„კორონავირუსის Mu ვარიანტს აქვს მუტაციები, რომლებმაც შესაძლოა, გარკვეული ანტისხეულების, მათ შორის ვაქცინებისგან შექმნილი ანტისხეულების დაცვას გვერდი აუარონ. თუმცა, საბოლოო დასკვნისთვის საჭირო საკმარისი კლინიკური მონაცემები ჯერჯერობით არ არსებობს“,- აცხადებს ფაუჩი.

კოვიდის კიდევ რომელ ვარიანტებს აკვირდება WHO

დღესდღეობით ჯანმოს ე.წ. „საყურადღებო ვარიანტების“ კატეგორიას ვირუსის შემდეგი შტამები მიეკუთნებიან:

• Eta – 2020 წლის დეკემბერში რამდენიმე ქვეყანაში ერთდროულად აღმოაჩინეს;

• Iota – პირველად 2020 წლის ნოემბერში აშშ-ში აღმოაჩინეს;

• Kappa – 2020 წლის ოქტომბერი, ინდოეთი;

• Lambda – 2020 წლის დეკემბერი, პერუ;

• Mu – 2021 წლის იანვარი, კოლუმბია;

ე.წ. „შემაშფოთებულ ვარიანტებს“ ანუ ისეთ ვარიანტებს, რომელთაც პანდემიის გაუარესებს პოტენციალი აქვთ, კოვიდის შემდეგი შტამები მიეკუთვნება:

• Alpha – პირველად აღმოაჩინეს 2020 წლის სექტემბერში დიდ ბრიტანეთში;

• Beta – 2020 წლის მაისი, სამხრეთ აფრიკა;

• Gamma – 2020 წლის ნოემბერი, ბრაზილია;

• Delta – 2020 წლის ოქტომბერი, ინდოეთი;