მოსახლეობასთან წინასაარჩევნო კამპანიის ფარგლებში დაგეგმილი შეხვედრები აქტიურად მიმდინარეობს სამტრედიაში.
ქალაქისა და სოფლების მაჟორიტარობის კანდიდატები, ყოველდღიურ რეჟიმში, ამომრჩევლებთან ერთად მსჯელობენ ყველა იმ საჭირბოროტო თემაზე, რომელიც კონკრეტულ ლოკაციაზე არსებობს.
სამ ზონად დაყოფილ ქალაქს და სოფლებს მაჟორიტარობის კანდიდატებთან ერთად ხვდება მუნიციპალიტეტის მერობოს კანდიდატი ,,ქართული ოცნებიდან” დავით ბახტაძე.
შეხვედრებზე განხილული ყველა სპეციფიკური საკითხის ჩანიშვნაზე, განხილვაზე და გადაჭრის გზების მოძიებაზე კანდიდატები ყოველდღიურად ზრუნავენ.
,,ძლიერი გუნდი, საინტერესო და მიზანმიმართული იდეებით, განახლებული რეგიონების ფარგლებში, სამტრედიას გადააქცევს განვითარებულ და საინტერესო ქალაქად.
ამის მთავარი გარანტი სამმთავრობო გუნდი და თქვენი მხარდაჭერაა,”- აცხადებენ ,,ქართული ოცნების” კანდიდატები.
სამტრედიაში წინასაარჩევნო შეხვედრები კოვიდპანდემიის გამო დაწესებული ყველა რეგულაციის დაცვით მიმდინარეობს.
კომენტარები