გუდაურში მოკლული თაზო გორთამაშვილის ოჯახი და ადვოკატი საქმეში ბრალდებულის ოჯახს მოუწოდებს შეწყვიტონ მათზე ზეწოლა და სიმართლე სასამართლომ დაადგინოს.
ადვოკატი აცხადებს, რომ საქმეში გარკვეული კითხვის ნიშნები არსებობს, რომელსაც პასუხები უნდა გაეცეს.
“ჩემი მიზანი და მოკლულის ოჯახის მიზანი არ გახლავს, რომ ვამტკიცოთ იყო ეს მოგერიება თუ იყო ეს განზრახვა. ეს არის სასამართლოს განსახილველი. ჩვენ მიზანი არის ის, რომ საქმე გადავიდეს სასამართლოში” – აცხადებს გორთამაშვილის ოჯახის ადვოკატი.
ბრიფინგზე ასევე მოკლული თამაზ გორთამაშვილის რძალმაც ისაუბრა და განაცხადა, რომ თუ ბრალდებულის ახლობლები ოჯახზე ზეწოლას არ შეწყვეტენ ისინი იძულებულები იქნებიან, რომ მათ პასუხი გასცენ.
“ჩემი აქ მოსვლის მიზანი არის ის, რომ ბრალდებულის ახლობლებამდე მივიდეს ჩემი სათქმელი. დაანებონ თავი გარდაცვლილის სულის შეურაცხყოფას, ჩვენზე ზეწოლას და საშინელ კომენტარებს. ამ კომენტარებს კითხულობენ თაზოს ძმები, კითხულობს მისი დედა და ეს ძალიან მძიმე მოსასმენია”
შეგახსენებთ, 16 თებერვალს გუდაურში ახლგაზრდა მამაკაცი მოკლეს, ერთი ადამიანი კი დაჭრეს. ბრალდებულ მერაბ კობიაშვილის დაკავების შემდეგ გავრცელდა კადრები სადაც ჩანს თუ როგორ ესხმოდნენ თავს კობიაშვილს ნციდენტში მონაწილე პირები.
კომენტარები