საქართველოს ექს-პრემიერმა, ვანო მენრაბიშვილმა საქართველოში მიმდინარე პროცესებზე ვარშავაში პრესკონფერენციაზე ისაუბრა.მერაბიშვილი მის პოლიტიკურ გეგმებზე კვლავ არ საუბრობს და აცხადებს, რომ მას დრო სჭირდება. ვანო მერაბშვილმა პრესკონფერენცია პოლონეთის პარლამენტის თავმჯდომარის მოადგილესთან ერთად გამართა.
ყოფილმა პრემიერმა განაცხადა, რომ შეხვდება მიხეილ სააკაშვილს. მერაბიშვილმა ვრცლად ისაუბრა იმაზე, რომ ქვეყანაში მიმდინარეობს პოლიტიკური დევნა და არ არის არც ერთი ოპოზიციური პარტია დარჩენილი, რომლის მიმართაც პოლიტიკური დევნა არ ხორციელდება.
“სამწუხაროდ მე არა ვარ ერთადერთი ადამიანი, რომელიც გახდა მსხვერპლი პოლიტიკური დევნის. თითქმის ყველა ყოფილი მინისტრის წინააღმდეგ აღძრული იქნა საქმე. სხვადასხვა ტიპის დევნა მმდინარეობდა. საქართველოს ყოფილ პრეზიდენტს არ ეძლევა საშუალება საქართველოში დაბრუნების. თბილისის ყოფილი მერი უკვე მესამედაა დაპატიმრებული. ამჟამად, თითქმის ყოველდღე მიმდინარეობ სასამართლო პროცესები სხვა პოლიტიკოსებზე. ეს არ არის მხოლოდ ჩემი მოსაზრება ამას იზიარებენ ჩვენი ევროპელი კოლეგები, ამას იზიარებენ ევროპარლამენტის წევრები, ამას ასევე იზიარებენ ამერიკის კონგრესისა და სენატის წარმომადგენლები. ვფიქრობ, რომ ჩემი ვალია ყველაფერი გავაკეთო იმისათვის, რომ ის ადამიანები ვინც დაპატიმრებულები არის გათავისუფლდნენ. ამჟამად საქართველოში მთელი ოპოზიციური სპექტრი ერთიანია, მიმდინარეობს მოლაპარაკება ხელლისუფლებასთან რათა შემუშავდეს სამარტლიანი საარჩევნო სისტემა. მე ნაწილობრივ ჩავერთე პროცესებში, მაგრამ მჭირდება გარკვეული დრო სამედიცინო რეაბილიტაციისტვის. რამდენიმე ხანში ვიქნები ფორმაში, იმისათვის, რომ ჩემი მოკრძალებული წვლილი შევიტანო ქვეყნის განვითარებაში”
კომენტარები