როსკომნადზორმა რუსი ოპოზიციონერის, ალექსეი ნავალნის ვებგვერდი navalny.com რუსეთში დაბლოკეს. ინფორმაციას ამის შესახებ ტელეგრამში ნავალნის გუნდი ავრცელებს.
ნავალნის გუნდი ავრცელებს სქრინშოტს ავრცელებს, სადაც ნათქვამია, რომ ვებგვერდი დაბლოკილია, “რადგან რესურსი შეიცავს ინფორმაციას, რომლის გავრცელებაც რუსეთში აკრძალულია”.
როსკომნადზორში აცხადებენ, რომ ვებგვერდი გენერალური პროკურატურის მიმართვის საფუძველზე დაბლოკეს.
ერთ-ერთი ბოლო პუბლიკაცია, რომელიც ვებგვერდზე განთავსდა, დუმის სპიკერის, ვიაჩესლავ ვოლოდინისა და მისი ოჯახის ქონებასა და ბიზნესს ეხებოდა.
9 ივნისს მოსკოვის სასამართლომ ოპოზიციონერთან დაკავშირებული ორგანიზაციები, მათ შორის ნავალნის შტაბი და კორუფციასთან ბრძოლის ფონდი “ექსტრემისტულ ორგანიზაციად” გამოაცხადა და საქმიანობა აუკრძალა.
კომენტარები